Home
Creators
Search
Recent
Random
Posts
DMs
Tags
Random
Importer
Import
FAQ
Account
Register
Login
Favorites
Keys
Logout
Telegram
資本家先至唔怕最低工資 (Patreon)
Content
最低工資嘅真正影響，係令到生意嘅經營模式，變得更「資本密集」。
最低工資嘅問題，恐怕我都唔需要多解釋；不過，既然 Wesley 認為值得討論，就姑且將呢個教科書嘅題目攞出來講。
問題唔係支持唔支持，而係一項咁嘅政策最終會有啲乜嘢影響。過去好多討論，側重於最低工資會唔會做成失業率上升，又或者局部嘅失業率上升，但我認為呢個分析方向係反映唔到最低工資嘅影響。
首先，失業率係唔反映啲「放棄咗搵工嘅人」；呢啲人一旦放棄，就好難重新投入市場，而統計數字係唔會反映呢一班人。我記得有位經濟學前輩講，forgone opportunities can never be measured ；用廣東話粗粗地咁翻譯，就係我哋永遠都量度唔到放棄咗嘅機會。
但更重要係，最低工資嘅真正影響，係令到生意嘅經營模式，變得更「資本密集」（capital Intensive）；即係以前可以用人去做嘅工作，更多變成由機器、科技等取代。「資本密集」嘅經營，意味收入更加集中係資本家嘅手上。
其實，有冇最低工資，可能都會走向越來越資本密集型嘅經濟。出賣時候，出賣勞力嘅人，可以得到嘅回報係非常之低。我哋每個人都一樣受到呢個轉變嘅影響，只不過係，社會上最無議價能力嘅一群人，受到嘅影響更大。
資本，換個講法就係「有用嘅知識」。首先，你要主動吸收呢啲知識，然後你要搵到發揮嘅時間、地點同方法，而過程嘅競爭，知識嘅推陳出新，亦都可以令到你嘅知識貶值。其他唔講，你睇今時今日連 AI 嘅技術，都一樣貶值得咁快，可以話係貶值速度驚人；兩、三年前我哋仲講緊人會唔會被 AI 取代（答曰：「識用 AI 嘅人取代唔識嘅人」），依家已經係邊個 model 、邊種開發嘅方法會被取代。
仲停留係討論最低工資夠唔夠高？真係好平行時空嘅感覺（註：Wesley 唔係 AI）。
＝ 我是分隔線 ＝
近來多咗出 YouTube 片，因為想將頻道轉營，由我自己一個人自說自話，變成一個多啲對話嘅平台。但唔代表我荒廢自己嘅內容，呢兩日會「的起心肝」做返多啲會員專享嘅內容。請耐心等候。
另外，同 Wesley 做嘅 YouTube 節目，之前我無每條都貼上呢度，尤其太過時事嘅題材，免得大家 information overload ；但如果大家覺得想嘅，我亦都唔介意嘅。
最後，就算係貼都好，我都一定會加返啲補充嘅睇法。畢竟，YouTube 上面嘅對象，同呢度多少都啲分別。
