銅：廿一世紀關鍵金屬 (Patreon)

2026 年 5 月 1 日中國硫酸出口禁令，揭露銅嘅供應高度集中、脆弱，而且極缺乏彈性。

自 1991 年，礦石質素大跌四成，而新礦投產亦要 17 到 29 年；過去十年，全球內只發現14個新銅礦，而且銅的回收率不足兩成，亦難有替代選擇。過去 30 年因為政府補貼，最終全球近半銅冶煉產能集中在中國。某程度上，現代化就是電氣化。銅的供應，決定了那些國家可以繼續發展、那些將被長期拋離。

自 1991 年，礦石質素大跌四成，而新礦投產亦要 17 到 29 年；過去十年，全球內只發現14個新銅礦，而且銅的回收率不足兩成，亦難有替代選擇。過去 30 年因為政府補貼，最終全球近半銅冶煉產能集中在中國。某程度上，現代化就是電氣化。銅的供應，決定了那些國家可以繼續發展、那些將被長期拋離。

問：點解2026年5月1日中國禁出口硫酸，會影響全球銅供應？

答：銅嘅冶煉同提取(尤其係 SX-EW 工藝)需要大量硫酸。伊朗戰爭爆發後霍爾木茲海峽閉鎖，佔全球海運硫黃 50% 嘅中東貨運唔出去。中國為咗保護自己嘅化肥同糧食安全，索性禁出口硫酸。智利同剛果嘅銅礦業者，有部分硫酸供應已經少於30日；Goldman Sachs 估計，單係剛果可能損失 12.5 萬噸銅產量。

問：點解銅嘅供應咁難快速增加，即使加價都做唔到？

答：五個結構性原因。第一，全球銅礦石「品位」（Grading）由 1991 年至今跌咗 40%，要做同樣產量要處理近兩倍嘅礦石。第二，新銅礦由發現到投產，全球平均17年，美國要29年，當中涉及勘探、可行性研究、環評、社區協商。第三，過去十年只發現 14 個重要新銅礦，而上個四分一世紀發現咗 225 個；容易揾嘅、淺層嘅、品位高嘅基本上揾完。第四，銅嘅 recycling rate 不足 20%，因為大量銅埋喺基建入面難以拆出。第五，替代有限 ；鋁可以代替部分輸電線，但變壓器、摩打、數據中心冷卻系統等，銅根本冇得代替。

問：中國點樣由銅短缺發展到全球最大冶煉國？

答：中國城市化高速發展，銅短缺嚴重到地盤偷銅電線都成為新聞。大概2006-07年，香港都有報導。中國嘅應對唔係單純去國際市場買多啲銅，而係用國家資本系統性建立全球最大嘅銅冶煉產能；方法包括補貼電價（冶煉成本約三成係電費）、優惠融資、冶煉同下游製造業整合。中國嘅冶煉廠長期以低於國際成本嘅環境運作，結果其他國家嘅冶煉廠陸續執笠。到今日，中國佔全球精銅產量近一半，銅礦進口60%，而且成為精銅淨出口國。

問：銅嘅短缺對唔同國家會有咩唔同影響？

答：美國、歐盟、中國、日本、韓國等有錢國家，銅貴啲是成本問題，但對未完成電氣化嘅國家（撒哈拉以南非洲大部分、南亞、部分拉美），銅價長期高企意味住佢哋嘅電力供應追唔上，然後永遠追唔上。2024 年全球有 7 億人連基本電力供應都冇，而當銅嘅價格繼續向上，鴻溝只會加深。

問：點解電力經濟比起燃燒經濟，有完全唔同嘅 scalability？

答：用生物能（人力、畜力）嘅經濟極度冇 scalability；用蒸氣機、燒煤嘅有少少 scalability，但用電嘅經濟有質性飛躍，因為多咗一個維度,就係資訊。電可以同時承載能量同資訊，呢個係碳基（Carbon-based）模式做唔到嘅。結果就係，電氣化經濟可以帶嚟嘅資本效應、知識傳遞，係極度誇張。一個電氣化嘅經濟體，同一個未電氣化嘅經濟體，差距會越拉越大。已經控制咗科技、金融嘅國家會更加強勢。呢個就係 chokepoint 嘅根源；唔係偶然。而係結構性必然。