國安處長去按摩被捉之玄機 (Patreon)
Content
全城熱話, 梗係國安處長蔡展鵬, 去無牌經營既按摩中心, 跟手俾同胞捉到正, 搞到而家正在休假. 咁究竟, 喺佢個八字, 睇唔睇到玄機呢? 如果佢一早搵師傅 (我指係佢用開嗰個師傅)批個流年, 會否逃個一劫呢?

蔡處長 (叫住先啦, 因為佢仲未辭職. ) 八字, 庚金生於孟秋, 比肩又自年干透出, 其人餘三個地支均為土氣, 土金一氣, 其實很有假專旺格之特色, 不過少年丙戌運後, 一走丙戌丁亥, 無法專旺. 原局未知時辰, 按報導, 佢以前在校時有一些評語, 師傅認為他可能是丙戌時, 因為性格這個東西, 無法騙人, 所以丙火七殺就顯示出其性格, 詳細可以看下圖.

就咁睇, 丁亥運為其最理想之大運, 所以佢入啱行係會升得好快, 而且都啱佢性格丫, 係咪?
講返今次呢單嘢喇, 發生喺己丑運, 一柱正印運, 可以係讀書運啦, 也可以喺坊間大師所講, 係舒服懶人運. 偏偏佢郤無得閒落嚟, 俾人調咗入去國安處, 即係點? 喺一個應該休息既運, 郤要好忙. 己丑, 正印, 也為貴人, 但此命已很強, 基本上不再需要見土, 所以呢個貴人, 有越幫越忙之意, 提升你, 即係害死你, 明未?
咁仍然要用丙戌, 其力量已很弱, 因為甲木被合, 丙火被土所泄. 應該hea住做啦, 甚至退休就仲好.
今年辛丑, 庚金已很旺, 還要透出羊刃, 金之氣呢個時候為最旺之時. 金旺本來有七殺去制金護財, 但丙辛合, 把用神合走了, 甲木為財星, 此時一被己土合, 一是被庚金所尅. 應了群比爭財. 群比爭財可以有兩個像意, 一是你的錢或你的機會被尅去, 二是自己女人也跑掉了. 可以應一樣, 也可以應晒兩樣架.
講返個辛丑年, 辛係競爭對手, 為陰金, 本來係比你弱, 其實即係可以對應返係鄧X強, 呢個人係入嚟同你競爭的, 又或者係你既同伴, 不過係入嚟搶你嘢既人, 職級比你少, 即係話, 本來國安處長, 係比鄧X強高級, 但點樣以弱勝強呢? 咪搵啲計仔, 搞掂你囉. 辛金入局, 把你個用神合走, 即係將你權力都拎走埋呀.
咁啱向公眾公份既日期, 係癸已月, 已丑拱酉, 金的力量最旺, 癸水又是丙火不喜之物. 就在今個月, 蔡處長被公開佢既不當行為, 仲搵O記查佢. 睇嚟權力鬥爭已進入白熱化, 這些雖不是我哋理到既嘢, 只能食花生, 但以八字來推算, 蔡處長可能年頭二三月已出事, 到今個月先俾人公開都唔奇. 結局喺點? 查實2024年庚寅運佢都冇運行, 今年出咗事, 只係早咗, 同埋唔好彩啦, 得罪咗個咁忌才同埋小器既人, 才會淪得如此下場. 不過觀乎呢個處長八字, 都唔係一個咩好人來.
我哋要中立咁評一個八字嘛? 係咪?