振英月娥鬥一番 (Patreon)
Content
最近有傳前特首梁振英又有意競選下屆特首, 而消息更指佢已經向中央舉咗手話想選, 而維尼嗰方面似乎冇讚成也冇反對佢入閘, 咁究竟以命理方向去分析, 佢兩個如果真係爭, 究竟邊個爭贏呢?
其實師傅都覺得呢條標題幾嘔心下架, 直接叫狗咬狗骨會唔會好啲? 其實選特首呢樣嘢, 根本唔到我哋小市民話事丫, 係咪? 咁寫嚟做乜先? 唔緊要啦, 花生下囉, 睇下我寫下文, 唔好咩?
究竟係屎味既雪糕好食啲丫, 定還是雪糕味既屎正啲呢? 等師作出以下分析, 假設兩位都參選2022的特首選舉:
現任特首三條柒命盤如下:
時日月年 運 年
吉乙乙丁 辛 壬
時酉已酉 亥 寅
拿我盡量唔寫咁多學理上既嘢喇, 佢而家行緊個運, 算係佢一生中提升咗幾高格局的大運嚟, 辛亥運化成食神駕殺, 即係佢會得到地位, 權力, 名聲的. 不過也可以睇到, 就算天干佢有呢個現象, 但地支已亥沖, 佢走亥運時, 呢個力量就會突然失去, 即係佢想繼續表演, 而有人會出嚟阻止佢.
2022壬寅流年, 壬水來將丁合走, 化出比劫, 比劫係尅財的, 即係有無形之手會令佢失去了一些機會. 而根據去屆, 特首選舉係會喺新曆5月舉行的, 即係甲辰月, 也是比劫尅財之月份, 而且地支三刑, 似乎777喺新一屆選情不利喎.
其實佢2023年癸卯流年, 係會同佢年柱天尅地沖的, 呢一年佢不妙, 所以就算佢不幸選到, 呀係僥幸之啱, 佢僥幸選到, 佢呢一年都唔會好過. 佢選情不利, 加上佢有一劫, 我諗好多人都會暗喜的.
拿我係指佢對手一條7都冇既689啫, 佢近日被現任恥笑佢為KOL only, 究竟佢會唔會反擊成功呢?
暗黑KOL振英同志, 龍蝦既丈夫, 佢既八字如下:
時日月年 運 年
吉庚壬甲 戊 壬
時子申午 寅 寅
呢個八字用火啦, 天干用食神生財, 地支用官制比劫, 兩不相佐, 夫妻宮為忌神, 食傷又為忌神, 怪不得佢比佢太太同個女玩到陀陀鈴. 咁佢走緊戊寅大運, 忌神為水, 戊土把水去掉, 寅木生火, 反而為吉像. 戊寅大運同局中月柱壬申天尅地沖, 似乎佢也有一個大轉變, 流年壬寅, 藥神戊土尅壬水反而為吉, 變相令格局提升, 寅木生午火用神. 呢個大運同埋流年, 對佢好有利咁噃.
不過又講返流月, 五月係甲辰月, 甲來生火, 寅辰拱卯, 似乎將火的力量提升, 但甲木入來尅去戊土藥神, 到時唔知佢會唔會又為咗贏, 又拎對手啲黑材料出嚟呢?
就咁睇, 689的勝算, 比777高. 不過無論如何, 都只係屎味既雪糕, 同雪糕味既屎, 對我來說, 沒有分別, 也沒有什麼意義.
本集完!