Home Creators Posts Import Register Favorites Logout

Content

又係寫下政治人物喇,之所以要喺度收費分享,咪又係怕咗嗰個姓郭叫鞍發囉!

其實只係議事論事,本來冇乜好担心,但現在香港已經唔同晒,免得又俾hater衝入嚟搞事啦。

之前講咗鄧炳強的命盤,今日再講下李家超先。

其實冇乜人想睇佢,我都唔想,不過為咗學術研究,解剖下隻比卡超啦咁今日。

時日月年  運  年

吉癸辛丁  乙  辛

時丑亥酉  已  丑

卡超日元為癸水,生於亥月,又有金所生,陰日主雖有強根,但似乎過強,坐下丑土未能止水,咁唯有以財破印啦,用神為火。佢1997之前,運走西方金地,但沒有破局,而且以丁火立極,藥神為土,連續兩個大運均有殺來護印,縱使唔係走火地,但有病有藥,而且水旺變成用土,轉了格局,所以沒有什麼問題,可以話係十分負碌添。

1997年走丁未大運,南方火地之開始,佢正式行用神大運,呢一年佢就升咗做總警司,2007年走丙午大運,又係火地,用神繼續有力,呢一 年仲升埋做警務處副處長添。2017年,乙已大運,仍然係火地,丁火偏財有乙木去生,火有力,而地支三合金局,印星得力,有好強大的貴人扶持。至今年辛丑年,坐正去政務司長位置,所以行運一條龍,並無道理。

呢啲嘢,我相信各位冇乜興趣聽,只係有興趣知,比卡超幾時會行衰運,幾時病呀幾時死呀仲有幾時俾人算帳。

2027年甲辰大運,丁火最喜甲木,呀比先生最起碼行運行到去2032年。即是仲有十年運行,仕途可以更進一步架。係咁冇天理,客觀分析啫,我都唔想架。至辰運,用神丁火見濕土減弱,癸水入墓,到時可能急流X退。[唔想打嗰個咁正面既字嚟形容一啲壞人]

癸卯運,即2037年,天干癸水合入,尅丁火用神,地支卯酉沖,似乎係爆血管或中風之徵兆,但呢啲只係佢年紀老咗的必然發生問題。

點解壞人可以咁長命?或者前世做得好事多,不過佢下一世必定還返夠本。要等下一世?咁遲?我都想見到啲壞人,快啲現眼報呀!


Comments

KarKar

唉, 灰爆.

Anonymous

痴線!唔係真係俾佢做埋特首下話😓😓

metrofengshui

其實佢個實權已經同特首無異, 你諗下, 選特首都要經過佢嗰關, 即係林奠想連任, 佢申請時, 都要經佢許可先可以入閘, 仲唔係渣最大權力?