命理隨筆 - 鄧麗欣與王子分手之後記 (Patreon)
Content
當2018年知道鄧麗欣(Stephy)和邱勝翊(王子)公開戀時後,師傅其實不太看好。

唔係話馬後炮,我當年唔記得咗喺邊個谷講過,而家搵唔追個記錄,吹脹,有冇邊位友好當年在谷中,可以幫我截圖回來?!
師傅一直都很喜歡看Stephy的戲,由龍咁威,到空手道,再到近期的男排女將。但就係冇睇葉念琛系列,因為我係太鍾意万刀甲,純粹個人喜好。
今日就唔寫stephy個八字,我只係想指出點解我睇唔好呢段戀情而已。
不是什麼long D,或者什麼姐弟戀,呢啲都唔係一個命理師所考慮的。
我就只看了王子的八字。
時日月年 運 年
吉甲戊己 乙 辛
時辰辰已 丑 丑
54 44 34 24 14 04
壬 癸 甲 乙 丙 丁
戌 亥 子 丑 寅 卯
知道王子呢個人都唔係呢幾年,因為當年我都有睇台灣的選秀節目,所以知道王子呢個人,當年初出道時,嗰幾年的確幾紅。
呢個八字,甲木生於辰月,季春時間,木氣正退,但財星十分之重,又從不了,即是極之財多身弱,而且冇明根。說明,他的女緣很重,而他的最愛應在18歲以前就出現了,應該無疾而終的。因為之後出現的,全是偏財,偏財就是日主對之無情之物,所以一定不會珍惜。
最大問題,是甲木無根,財重而無根,一切所得到的,都只是虛花,所以佢喺2012年乙丑運後,就沉了下來,沒有什麼太多代表作,比較之下,他走木運時,補回強根,那個時候,一出道的棒棒堂,光芒四射,誰料到運一過,都變得浮沉。
同樣地,除了事業外,姻緣也都會是虛花,而且原局財極旺,自己很貪玩,且不愁沒女伴,辰中又暗藏桃花,二人經常分隔兩地,男的又這麼重女緣桃花,而且感情事又不會持久,師傅當年又怎會不替stephy著急呢?
王子未來的事業都唔會有太大變化,不過他今個大運快完,下一個大運呢?都是一樣,不過下個大運是其桃花運,感情一事,仍然是暫未能穩定下來。