喺香港做運動員真係一啲都唔容易 (Patreon)
Published:
2021-07-26 00:01:01
Imported:
2026-06
haven't archived this post yet. have a subscription? use the importer!
Content
平時好少留意本地體壇的我, 就喺今次奧運會, 留意多咗香港的運動員, 點解之前冇留意? 你懂的, 連消息渠道都冇, 邊度知香港有啲咩比賽, 又啲咩體育活動咩, 更莫講話香港的體壇明星.
今日因為政治人物抽水抽中香港羽毛球一哥伍家朗, 引起全城熱話, 事緣係乜就唔喺度講喇, 大家有留意奧運會應該一定知啦, 搞到師傅都有去嗰兩個政棍個面書度留言, 叫佢哋盡快道歉.
其實好似十年裡面, 廖啓智話, 用下個腦, 唔好人做自己又跟住做.
運動員生涯並不容易過, 每日都要大量的操練, 並不好過的呢.
講到呢度, 唔通會放嗰個穆咀個八字喺度? 梗係唔會啦, 第一, 網上搵唔到出生日期, 第二, don't make stupid people famous.
寫埋啲無聊人, 不如睇下, 香港一哥伍家朗, 個八字係咪真係可以反映到出嚟?
辛金生於仲夏之時, 地支火旺而有庫, 火的力量源源不絕, 群金產夏, 妙用玄武, 首先, 佢原局三柱冇水, 咁時時辰係壬辰的機會好大. 用得壬辰, 傷官駕煞成局, 主貴, 咁喺羽壇成名, 也很合理. 其實呢類型八字, 在第二啲國家做運動員, 隨時名利雙收, 攞到世界排名之餘, 更加唔會愁波衫贊助呢啲冇可能要運動員自己操心既事.
大運去到壬申, 傷官駕殺, 其實喺呢一個運, 佢必定成名, 所以先後喺2012年贏到大賽冠軍, 2015年更贏到林丹, 喺羽毛球壇成名了.
2018年運入癸酉, 由傷官轉為成神, 但金水有力, 咁即係駕殺有力, 今年也要小心制殺太過, 會招惹是非口舌; 今年辛丑, 三合金局而透金, 比劫過旺, 站在比賽的立場也不是好事, 因為代表競爭者也非常多和強大, 有群比爭財的問題.
Files
Previews only