Home Creators Posts Import Register Favorites Logout

Content

內地藝人張哲瀚[老老豆豆,呢個名係第一次聽,講真唔知佢係邊個!]因為被網民發現佢曾經去過日本靖國神社參拜,而被批佢崇日,其實冇乜問題丫,內地就係咁架啦,下次小心啲囉。


下次?唔知有冇下次呢?下次下次,下次大概可以?

開佢個盤嚟睇啦。


辛金生於已月,天干皆金水,本來做明星,又一帆風順[之前],佢好可能係壬辰時出生,但見佢之前走寅運時開始走紅,且今年奶大鑊嘢,所以估計佢為甲午時,即係好大機會係從格嚟。

如是午時,地支三合火局,天干辛金癸水完全沒有生機,只能從木火之勢。所以必在12歲打後非常順利。

今年點解奶嘢呢?唔紅唔會奶大鑊嘢,本來從木火之勢,好好地地,辛丑流年,濕土泄火生金,官殺立刻會尅日主,丙申流月,官殺入局,尅日主,而辛金之根氣補回,入局後寅申沖,勃然禍至。

咁然後呢?有冇得洗底呀?洗完底再復出囉。

今年係庚寅運最後一年,正所謂男怕交,女怕脫,正直下年入新的大運,而男命最怕係咁,而下年入的是己丑運,又係丑土濕泥泄火生金,一柱偏印,如果容易啲理解,呢個運可以有貴人之助而排除萬難,可惜佢係從格,而家轉正格,咁呢個運咪變成,舒服懶人運囉,即係冇乜嘢好撈架喇,休息下啦。

Comments

KarKar

國家又整治藝人, 佢舒服懶人運好過呉亦凡坐監啦.