Home Creators Posts Import Register Favorites Logout
haven't archived this post yet. have a subscription? use the importer!

Content

今次又輪返到催偏財喇,點解有時會冇?係架,因為唔係個個月都係極佳的催偏財日子同時辰可以俾到大家,如果有啲冇咁好的,但每個月都有喎,大家又想唔想要呢?歡迎大家留言俾意見師傅架。

收到有朋友詢問,如果自己唔得閒放,搵朋友,家人,或下屬,同事,代你放又得唔得架?

係得架,因為重點係你佈局嗰個空間,同埋日期同時間,邊個幫你放,係一樣架啫。

講返催偏財,咁唔駛問呀貴,又係嗰件流水擺設啦?

咁梗係啦!

首先,喺間屋既中心點,用羅庚或指南針,找出自己間屋的南面先。

剛才提過,最好係用流水擺設,放在南方, 而南方最好是窗口, 或門口, 咁力量係最大. 但如果唔係,都照擺啦。

如冇流水擺設,想慳錢,咁可以放香薰機,或放濕機,如果再冇, 咁就放杯水啦。記住力量係會比較細的。

重點如下:

方位: 由屋的中心點, 找出南方 

日期: 2021年10月11日

時間: 上午8.30am (當地時間)

自己計住,一個月後撤陣,拎走晒啲嘢,等下個月的新佈局。

免責聲明:戴返個頭盔先,呢個陣主要係增強個人偏財運,而且有冇效唔係必然,要視乎你佈局的單位風水本來好壞,或者你閣下本身個運程係咪已經黑過墨汁,而且更加不是鼓吹你去賭錢,亂咁投資炒股,又或者去一注獨贏全副身家盡買。記住,並唔係咁架。閣下記住,佈完局後,你工作上會較為順利,搵錢也得心應手,並不是叫你去賭身家呢。記住,後果自負呀!

謝謝支持。

Files

Previews only