Home Creators Posts Import Register Favorites Logout

Content

呢篇文章其實師傅都唔係好想寫,因為已經唔係同風水命理有關,只係師傅喺被lockdown之下,喺各大群組食花生,睇人哋互相指罵,嗌交,分化,而得出嚟既一啲結論。點解想分享,因為都覺得其中一啲資訊,可能大家都未聽過,我聽到都覺得好有趣味,想同大家分享下,如果大家有其他意見,歡迎留言,但唔好留言閙我呀,師傅一俾人閙,下個月就會唔識分享風水佈局架喇。(講笑)


首先講下武漢肺炎先(坊間又稱為中共病毒,中國病毒,十九病毒,同埋新冠病毒),英文名(Covid-19),我哋身處澳洲,多數都叫英文的,也有啲留言者叫佢做CCP病毒。


咁講疫苗,就先講下呢隻病毒的感染人數,群組,同埋死亡率先,我手頭上最熟悉的都係用返澳洲新南威爾士州的數據啦,因為都有成二萬幾個,都算一個可靠的數字喇因為都夠多。


新州由2020年一月開始,截至2021年8月29日截稿日,總感染人數係24396人。
相關連結:https://www.health.nsw.gov.au/Infectious/covid-19/Pages/stats-nsw.aspx#today

相關連結:https://www.nsw.gov.au/covid-19/find-the-facts-about-covid-19#map-of-nsw-covid-19-case-locations-cases-and-tests

感染群組,係以年青人居多的,有說係年青人熱愛自由,喜歡無拘無束,所以好多現家仍然週圍去週圍聚集唔怕人罰錢的,都係呢個年齡的,即係20—29最多,30—39第二,因為佢哋仍需要工作,喺不知情之下會受感染,老人家的感染率較低,因為佢哋年紀大往往行動不便,唔會週圍去,好多中招的都係護老院度俾人惹到的。

咁對照返死亡率,呢個數字係由上年未變種的Alpha病毒,到今年六月開始全部都係印度變種病毒的Delta病毒,咁呢啲數據都係政府網頁都可以搵到。可以見到0—9的死亡率係0[0/2680],10—19的死亡率係[0。03%],不過呢位小朋友的死亡原因為有其他的,佢係腦炎先跟住再武肺的特殊案例。之後一路去到50—59的死亡率都係好低,總死亡人數都係個位數,大家可以入去個網度睇到實際數字。

呢個病毒最大問題係會針對老人家,因為感染率低,死亡率高,即係呢個病毒,老人家係最大危機,好似香港有位名人李私煙,佢可以無啦啦就死咗喺度,快且急,撇除個人罪孽因果報應因素,呢個病可以話係老人家殺手。

年齡層           /   死亡率

60—69          0。9%      (14/1559)

70—79          4。1%      (33/802)

80—89         16。5%   (56/340)

90+                     26%            (30/115)

去到80歲以上,死亡率已經好高了。

咁其中死亡數字裡面,有幾多人係沒打過針,打咗一針,打咗兩針?我仲未搵到官方數字,州政府每日都有公佈的,但我當然冇咁得閒日日抄低啦,我只能夠講,每樣都有啲啦。

咁年紀大的老人家,佢哋都或許有其他健康狀況,咁感染到可能會易有生命危險,咁樣去解釋都好合理。

年青人呢?死亡率好低,我都有睇過啲片,裡面有以色列的數據,反映出嚟都係一樣,因為以色列的打針人數都算高,所以都好有參考價值,同樣地,小朋友年青人中招率都幾高,但死亡數字都係低,好多年齡層都係0。但去到老人家組別,死亡率都係高。

而家美國推緊全世界最好12歲樓上的都打針,其實好多數據都話,小朋友年青人死亡率好,咁點解又要打呢?


其中原因,當然係相信政府,相信權威,一定要打!同埋也有人好担心,唔打的話,人生自由會受到限制,例如冇得去旅行,冇得搭公共交通,入唔到酒吧餐廳,去唔到睇球賽,甚至唔可以返工等等。

當我再喺群組度睇下啲留言,就有話中咗病毒後,對人類的後遺症,好嚴重,會嚴重破壞一個人的腦及肺功能咁話,師傅一向係多方面去睇一件事的,所以都好怕染病後有重大後遺症,咁我週圍搵,都搵唔到政府官方有相關資料,但好多時都冇架啦,咪自己繼續尋找囉。


喺面書上,有個叫做COVID-19 SURVIVORS的群組,佢哋會有一啲會員分享,佢哋患病的經歷,同埋現在重有的後遺症,咁唔好又陰謀論質疑佢哋真假,因唔係官方,佢哋只係分享自身經歷,又冇錢收的,個群組又唔係多人,係咪先,當係一個參考資訊,唔好嚇親己。

相關群組:https://www.facebook.com/groups/2874806096095478

據群組染病的人親述,佢哋多數的病徵係,發燒,心口痛,失聲,有嗅覺,冇味覺,火燒心,脷苦,口乾,十級頭痛,四肢極痛,背痛,乾咳,唔夠氣,氣喘,鼻塞,喉嚨痛,焦慮症,抑鬱症,胃痛,肚痛,腹痛,肚痾,出疹,手腳出現血塊狀,脫髮,體重下跌,生鵝口瘡,心跳加速,打嗝,胃抽筋,眼紅,失眠,疲倦,四肢無力,病到好似隻狗咁起唔到身。。。


病徵因人而異,唔係個個人都有全部病徵,即係人人唔同,人人好返的速度都不一,有人好快好返,也有人好耐都仲好唔舒服,即係視乎你體質同埋自己的免疫力啦。

咁師傅可能會有漏咗架,咁你留言話返俾我知啦。

至於後遺症,佢哋又冇乜點講啲好大好大的問題,只係有少量人話自己仍然未恢復返味覺,嗅覺,有啲仍然話會頭痛,心口痛,有時呼吸會急促之類。其他的病人都會大部份都會好返冇事的。

小朋友好少提及,其中一個係一個11歲自閉症小朋友的媽媽,佢都有分享到佢的小朋友中咗武肺,不久就好返。

https://www.facebook.com/groups/2874806096095478/posts/2940171682892252/

群組入面多數都係大人自己的狀況,好少有提及自己小朋友的問題,不知是不願分享,還是其實好快就好返。

即係可以總結返呢個武肺,係一個專門對付老人家的病嚟,小朋友年青人壯年人士,如果中咗,可能要捱一下超級重感冒的症狀,辛苦一大輪,或者好快,因人而異,好返後,少量會有後遺症,但暫時手頭上冇資料係對小朋友的腦有大影响,都係一般感冒好返,或許有個別例子,歡迎留言俾架。

上集完,下集再講武肺疫苗。



Comments

KarKar

其實, 疫苗真正side effect大家未睇到. 我就認為如果唔係唔打無飯食, 無車搭, 無工開, 小心防疫巳足夠. 香港日日人貼人, 感染率都好底, 因為我地自律帶口罩, 甚至帶眼罩.