武肺,疫苗,健康,陰謀論(下) (Patreon)
Content
疫苗品種好多,香港有得打係科興同復必泰,澳洲可以打的,暫時係AZ,同埋輝瑞,遲啲會有莫德納,再遲啲會有NOVAVAX。咁唔分開嚟講,總之就係疫苗啦。
呢個題目,要講真係好冒險,因為各大群組已分化兩極,為咗打同唔打,已經講到絕交咁滯,好似當年講政治,黃同藍水火不容一樣。
咁師傅當然只係客觀咁講下啦,打同唔打都係視乎自己的決定,我又唔會叫你去打,又唔會叫你唔打。
一開初,藥廠說疫苗的賣點,係可以預防武肺,咁大家都會去打,但之後原來打咗疫苗都會受感染的,開始將個功能,去到係減輕武肺帶來的重症,即係中咗,只係好似一般傷風感冒咁,或者連病徵都冇,輕鬆又過一關了。
不過按英國,美國,以色列等疫苗打得最多的國家近日的統計,打完針再次患病的人,有上升趨勢,因為打咗針的人比率高,所以變成vaxxed同unvaxxed的感染人數,其實都差不多,即係你打唔打針,都係傳染到同埋會傳染俾人。
冰島係一個打針人數極高的國家,政府人員出嚟講咗,打咗針,不能夠群體免疫,只能減輕重症,相關新聞:https://www.icelandreview.com/society/covid-19-in-iceland-vaccination-has-not-led-to-herd-immunity-says-chief-epidemiologist/?fbclid=IwAR0LKZKCbIIJsXNDwhwP4EuDNRzu8IWjEozCdBmiQ_7JTirN6pmYhUMcL7Y
冰島因為咁樣,又再度有相應restriction.
其實英國衛生部之前嗰份報告,都有呢方面的結論,即係打針不能做到武肺病毒的群體免疫。
而以色列也發現問題再次發生,本來佢哋打針的人數極高,中咗都只係會輕症,同埋入院率會降低,不過8月開始,即係啱啱要人打第三針時,發現大部份入院的病人,都係打咗針,而且有重症,相關連結:https://www.spectator.com.au/2021/08/most-covid-patients-at-israeli-hospital-fully-vaccinated-what-does-this-mean-for-australia/
因為以色列喺打疫苗呢件事上面走得好前,所以英美之後也有可能得出同樣結論。
咁打咗針同冇打針的人,佢哋的病毒含量係咪有分別呢?打咗,係咪個人會少啲病毒呢?牛津大學也做過一個survey,但不是peered reviewed,但都有參考價值,研究指出,打咗,同唔打,體內含病毒量,都係相同,即係你都係會傳咗俾人。連結:https://www.cbsnews.com/news/covid-vaccine-delta-variant-infections-carry-same-virus-load-unvaccinated/
群組中有人話,喂,打咗,冇病徵,即係冇口水鼻涕,咁傳俾人既機會係咪細啲呀?呢啲係咪公共衛生呀?
其實冇打針的,都好怕中招,佢哋會戴住個口罩,好怕俾人惹到。
打咗針的人,警覺性或許會降低,因為中咗似普通傷風感冒,咁就好易因自己一時疏忽而傳染咗人。
以上都只係假設,不喜勿插。總之打咗或未打,都要做好防疫惜施,例如勤洗手,保持社交距離,戴返個口罩等等。
而家好似話除咗打第三針booster之外,仲計劃緊每半年打一針,提升返個抗體水平。
咁究竟打得針多,係咪好呢?武肺疫苗,係咪大補針嚟架呢?點解對住一隻死亡率咁低的病要打咁多針入去呢?咁梗有原因的,就係減低重症了。如果半年打一次,而無重症,咁咪正囉,以後延續落去,咁就唔會因為呢個病而咁辛苦了。
咁,又要引伸到,呢隻疫苗既副作用了。長打,係咪個個人個身體都頂得住,今朝頂得住兩針,他朝頂唔頂到十針呢?呢個係一個值得研究及思考既問題。
前文提及,有covid survivor群組,當然有疫苗副作用群組啦,呢個重係中文架添,可以以下連結入內睇下:
https://www.facebook.com/groups/2988656418029843
什麼是mRNA疫苗呢?師傅邊知咁多丫,不過大家可以去好多好中立的youtube channel度睇下,我自己睇咗好多,但就唔會喺度發表,因為都唔知邊啲係啱。
所以主要睇下,疫苗副作用啦。
主要係咩呢?死亡。
即係三十歲人,好健康,中咗武肺唔會死(按統計推算),但打咗針就死咗。
另外有一啲就係打完變咗血癌。
最多的報告,係有血栓塞情況,血壓標高,心跳加快。以下係我喺一啲網頁度搵到的新聞俾大家,都係一啲主流媒體的報導,另有好多非主流媒體報導就唔放出嚟喇,因為會俾人質疑是fake news/misinform:
https://au.news.yahoo.com/boy-13-dies-in-sleep-days-after-pfizer-vaccine-022720563.html
https://www.ibtimes.com/new-york-man-dies-25-minutes-after-receiving-covid-vaccine-3140382
https://tw.appledaily.com/life/20210827/XIBHU6H3SFAOTM3B63MJILN4D4/
https://udn.com/news/story/122190/5696721
https://news.yahoo.co.jp/articles/e7b4f212c1981e11346760399e3af2091e2239ba
放住咁多先,另外,也有一啲普通市民,打完疫苗後,出現狀況,將自己遭遇放上FB:
https://www.facebook.com/gary.schiavo/posts/10221611886741151
佢就比較唔好彩,打咗針後出現大問題,到而家仍然要用拐杖來幫助步行。
咁後遺症呢?長遠的未知,不過近期的都有,例如成身喺度震啦,血栓中風,行唔到,腳出現血塊壞死而要切除啦,心跳怪異時快時慢,之類,我都唔係好記得晒咁多,可以上各大FB疫苗副作群組度自己睇下啦。
有人會話,師傅,咁唔公道喎,我打咗,乜事都冇喎,係呀,大部份人,打咗乜事都冇。但呢方面係冇官方統計,所以冇數字可以說明,澳洲每星期也有報告去講呢方面的數據,由於係官方,即係要由官方証實先至可以包括再內,咁佢每個有一大堆文字而冇圖表,所以有興趣大家自己入去睇下,打針人次過千萬,而官方報告的疫苗事故,呢個係佢個總結:
//Since the beginning of the vaccine rollout to 22 August 2021, over 17.1 million doses of COVID-19 vaccines have been given. So far, the TGA has found that 7 reports of deaths were linked to immunisation from 476 reports received and reviewed. These deaths occurred after the first dose of the Vaxzevria (AstraZeneca) vaccine – 6 were TTS cases and one was a case of immune thrombocytopenia (ITP).//
最新報告連結:https://www.tga.gov.au/periodic/covid-19-vaccine-weekly-safety-report-26-08-2021
至於喺香港,睇到的東西會更多,因為可能喺香港好多人已習慣唔相信政府,所以好想知多啲去尋求真相。相反,喺澳洲,可能因為一直的生活太過安逸,會很相信或依從政府的大部決策,而造成有兩極的分岐。現在社會有一點撕裂既情況,就係支持打,同埋支持唔打。或者你可能會覺得師傅太敏感喇,佢哋討論下啫,但如細心睇下留言,已經充滿火藥味,甚至仇恨,呢個情況,人民對人民,好像中了某些圈套啊。(呢啲又係陰謀論喇,哈哈)
支持疫苗的人,會認為疫苗利大於弊;
反對疫苗的人,會認為疫苗弊大於利。
總結一下就係:
打疫苗:
>不能做到群體免疫
>不能避免患上武肺
>不能避免傳俾屋企人
>會有疫苗是故
>但可減輕重症,患病後會冇咁辛苦,因為症狀甚少
>體內的抗體會因時間而下降,所以要繼續打針
>未知後遺症?(可以係真,也可以是陰謀論,所以自己計算好風險自行決定)
>打完可以去旅行,去超市購物,去餐廳食飯,可多人聚會,可搭公共交通,人生回復自由。(呢個係打針的重點,也是賣點,但同對抗病魔冇關係)
唔打疫苗:
>中咗會傳染人
>一定會被傳染
>中咗必然會患重症,有幾辛苦有幾快康復,因人而異;
>會有後遺症,但幾時會冇晒又係因人而異;
>因為冇打針,冇疫苗護照,人生自己受到限制。
正常嚟講,打唔打針都係自己決定,因為打咗的已打,唔會打的也不會去打,決定打的也會繼續打,打咗冇事的係佔好多數,打咗有事的也可以在網上搵一到佢哋點講。所以,大家一定要尊重,自願去打針,或因有理由唔打針的人,自己身體,自己決定。
打針的好處和風險,其實都擺晒喺枱面上面,大家只要覺得打的好處大於風險,咁就可以按你自己意願決定打定唔打,喺群組裡面嗌大交,其實就真係冇必要的呢。
不過師傅唯一唔同意的,就係疫苗護照,因為染唔染病都會傳到俾人,咁要嚟限制唔打針的人的人身自由,係講唔通的,咁做會變成社會撕裂,呢個社會仲唔夠多咩?何必呢?
至於另外一啲話題,例如MRNA疫苗係乜呀?邊隻針好啲呀?呢隻疫苗係咪會改你DNA呀?究竟疫苗同5G係咪用嚟操人類呀?打針係咪人類滅絕計劃呀?講到好似電影加科幻小說咁,呢啲係師傅知識範圍以外所知既嘢,或者將來自然迷底會解開。
而如果唔打針,有咩其他醫療方法呀?師傅唔係醫生,最好係自己搵返自己相熟醫生,同埋自己上網搵下,我都係寫下文呃下LIKE架咋。
本文略長,謝謝收睇。
全集完。