特首選戰：陳馮富珍加入戰團 (Patreon)

喺前排已有消息指，前世衛總幹事，陳太陳馮富珍，會加入今年選特首之戰，挑戰現任特首林太。咁究竟，按佢八字，今年選舉嚟講，佢有冇機會呢？

其實陳馮富珍，當年話佢對抗沙士有功，所以世衛邀請佢去瑞士做返一官半職。成差不多二十年前的事，當年傻乎乎的師傅，曾覺得香港都出咗一個英雄，可以上到國際舞台，真係倍感光榮。但係其實去到十七八年後的今日，水落石出，要不是中央的扶持，佢又怎能有機會去到嗰個人立置？

其實佢係咪當年抗疫有功？功勞係俾邊個？我會覺得係香港的一眾醫護。

講返陳太，佢當年去到瑞士，都唔係即刻做總幹事，係咁啱前任升咗天，喺其選舉制度下，個位置就咁落入佢手中。

字裡行間，大家覺得師傅好似唔太喜歡佢咁？

你睇返個現任，譚德塞先生，係佢的接班人，咩嘢師傅，咪教咩嘢徒弟，而家譚德塞同某啲國家有千絲萬縷既關係，不過今日不在此詳談。不過陳太同譚生，關係就似乎非不尋常，莫非真係once you go black, you never go back？

睇返佢個命盤先：

時日月年  運  年

吉壬戊丁  乙  壬

時申申亥  卯  寅

＜—————７

乙甲癸壬辛庚己

卯寅丑子亥戌酉

呢個命盤，壬水生於申月，如果主貴，必定要見火，壬水旺最好也要見戊土。

但兩者皆弱。

而命主走完戌運後，仕途一路扶遙直上，估計必以金水為用，蓋因原局金水極旺而火土極弱而無根也。

有人說這是倒果為因，但這也是一種驗證。

走到甲寅運，大運和月柱天尅地沖，主有改變，嗰個大運，正正碰上沙士，及之後她調到瑞士然後再俾佢幸運地選到總幹事一職。

水旺最好用泄，咁木運咪啱晒囉，丁壬合木，順行，呢十年真係順到不行。

咁乙卯運呢？仍然後金水木順生的大運，而木引通火之氣更佳。

今年壬寅，壬水再一次合丁火化木，金水木順生又再冇打交。

如果佢真係參選，贏柒婆之機會高唱入雲，雖然師傅都唔係好鍾意呢個人，不過兩者嚟講，柒婆從殺，老細叫佢做乜就做乜，與人民為敵。陳太雖然靠運，但原局順生，人的戾氣冇咁大，冇咁為鬥氣而鬥氣，雖然也是扯綫公仔，但兩害以這較輕，都係衰之中希望冇咁衰吧。ｍ

不過，截稿前一刻，又有消息話，陳太參選消息已經否認，但邊個消息屬實？咁要到時先知了。