大S、汪小菲與具俊曄 (下) (Patreon)

中台韓愛的故事下集

汪小菲衰啲乜呢? 又係精彩.

唔係因為佢係大陸人, 我哋係純以命論命既啫, 絕無歧視.

時日印才

吉丙甲辛

時子午酉

丙火生於午月, 已經身旺, 又是羊刃格, 生於午月, 又得甲木之生, 已經十分之旺.

年柱一柱財星, 生旺可直接任財官, 問題係用咩方法任啫.

咁辛酉正財, 財星有力, 咁爭在係點樣得到呢個財既啫.

咁旺既火, 自然要用自坐的官星尅劫護財啦. 估計時柱都係金水旺的時辰.

上集講過, 大S算是強勢的命格

咁汪小菲其實本身都唔弱, 因為羊刃格, 很有自己的想法及決心很強, 而且心急及做事夠狠.

如果對住對方咁強勢, 硬碰硬, 佢心知一定死梗, 汪的年紀仲要比大S細幾年, 咁一定俾人食住.

佢亦心知做人道理, 丙火對住正財辛金, 有相合之意, 呢個人, 必定很鍚老婆, 所以也不介意公開了剝蝦殼的故事.

唯一有問題的, 夫妻宮又係相沖, 即係小則經常吵吵閙閙, 大則遇到某些大運流年婚姻會出問題.

睇下去年:

時日卩財  運  年

吉丙甲辛  庚  辛

時子午酉  寅  丑

2021年, 汪小菲被拍到在北京三里屯酒吧, 和別的異性有親暱的行為. 咁當然他事後不認啦. 但呢件事也成為了離婚的導火綫.

https://orientaldaily.on.cc/cnt/entertainment/20210606/00282_003.html

https://www.hk01.com/%E5%8D%B3%E6%99%82%E5%A8%9B%E6%A8%82/523728/%E6%B1%AA%E5%B0%8F%E8%8F%B2%E8%88%87%E5%A4%A7s%E7%B5%90%E5%A9%9A%E5%8D%81%E5%91%A8%E5%B9%B4%E8%A2%AB%E5%BD%B1%E5%88%B0%E5%A4%9C%E8%92%B2%E6%94%AC%E5%A5%B3-%E5%AC%B2%E7%88%86%E7%99%BC%E6%96%87%E5%9B%9E%E6%87%89

庚寅運庚金偏財出現, 偏財即係另一個女人啦, 咁呢個大運會出現咁樣的事情. 咁2021辛丑年, 來一個丑字, 透出一個辛金, 辛金係佢命局中, 又係女人. 大家記不記得, 大S的命盤在去年, 也是辛丑年, 出現了一個人介入, 而咁啱, 又係辛字為比劫即同類人即競爭者. 你話邪唔邪?
而且, 丑土入嚟, 引動了夫妻宮, 即感情有出現變化的可能.

咁有啲咁既現像, 辛金透晒干, 即係係人都知啦, 咁係咪一定要離婚架? 上集講咗了, 唔一定, 係人既選擇嚟, 但強勢的大S, 挾著七殺的個性, 怎會忍你, 估計離婚就是佢主導.

睇下另一方面, 小S新歡具俊曄.

喂, 具先生我真係之前完全唔識.

時日月年  運   年

吉己癸己  丁   壬

時丑酉酉  卯   寅

己土生於酉月, 原局又唔見火, 或者時柱見到吧.

講返呢個大運, 丁卯大運, 同月柱天尅地沖, 而沖入啫為己土之桃花, 沖動家庭的宮位, 咁即係因為桃花而令家庭的狀況有變.

對佢嚟講, 即係可能係多咗一個家庭成員, 即係結婚.

咁震動到家庭宮位, 關於父母事, 佢媽媽好似有好大反應.

點解佢咁多年都係單身呢? 我都唔清楚, 但從命盤分析, 佢年柱比劫, 而財透干, 即係佢好多時都會有同人競爭的象意, 爭女都唔例外. 對上兩個大運又走比劫運, 所以想有理想伴侶都好難.

一過咗呢啲大運, 又走桃花大運, 即刻搵到理想伴侶.