５月風水小貼士 - 流月催財運方法 (Patreon)

今個月的催財方法，係催偏財。

全球因疫情關係，做生意的朋友，或要跑數的朋友，都快頂唔住了，希望小小的一個陣可以幫助下有需要的朋友啦。

首先，喺間屋既中心點，用羅庚或指南針，找出自己間屋的西面先。

放啲乜呢？

流水擺設。

唔諗住買？咁就放杯水喺度啦，呢啲就係折上折了！因為本來用流水擺設，而家只係放水，力量大打折扣。

有方位，有物品，日期同時間如下：

日期：２０２２年５月６日

時間：８：３０ＡＭ［當地時間］

自己計住，一個月後撤陣，拎走晒啲嘢，等下個月的新佈局。

免責聲明：戴返個頭盔先，呢個陣主要係增強個人偏財運，而且有冇效唔係必然，要視乎你佈局的單位風水本來好壞，或者你閣下本身個運程係咪已經黑過墨汁，而且更加不是鼓吹你去賭錢，亂咁投資炒股，又或者去一注獨贏全副身家盡買。記住，並唔係咁架。閣下記住，佈完局後，你工作上會較為順利，搵錢也得心應手，並不是叫你去賭身家呢。記住，後果自負呀！

謝謝支持。