命理隨筆：天尅地沖的嚴重性 (Patreon)

我成日喺FB度強調一樣嘢，就係天尅地沖嘅嚴重性喇。

究竟天尅地沖，是什麼東西嚟嘅呢？

尅，即係有嘢尅住你啦，或者係你自己去尅人。

咁當然，尅住你嗰樣嘢，係會嚴重性大啲，呢樣我哋叫官殺。

而官係尅我而有情的，所以重點，係在於七殺。

七殺，故名思義，係會殺死你的東西，所以必定要留意，在命局中，殺唔殺得死你。。。

地沖呢？地支有六沖，咁喺正你正面直沖埋嚟的，就係地沖。

天尅地沖，即係指，天干受到尅的影响，地支受到沖的影响。

咁如果日柱受到天尅地沖，咁就好大鑊喇。

舉例，今年是壬寅年，如果你的日柱是戊申，或者丙申，咁你的日柱就會被天尅地沖，如果唔知自己係唔係呢兩日，可以搵個電腦程式排一排盤，睇下日嗰個直行，係唔係戊申，或者丙申。其中以丙申喺今年的影响最大。

舉個實例，筆者寫這文章時，剛好是８月１８日，而昨天，即１７日，日子是壬寅日，而流年又是壬寅，流月是戊申。咁即係流年同流月天尅地沖，流月又同流日天尅天沖。咁會直接影响到，某一類八字的人，咁最大機會的，就是丙申日柱，或戊申日柱的人了。

剛巧有一個實例，我尚且唔開名同埋唔排晒佢個八字出嚟。

時日月年 運 年 月 日

吉丙月年 己 壬 戊 壬

時申柱柱 酉 寅 申 寅

呢個丙申日主，剛好和今年流年壬寅，是天尅地沖，流年天干壬水，尅原局日主丙火；流年地支寅木，和原局日支申金，是相沖的。

咁當然，佢原局有另外一啲事情發生咗，咁唔喺度詳述了。

同日柱天尅地沖，可以有好多不同的影响，但都係同自己有關，因為日柱就係指自己。可以係有車禍，中風，打鬥，和伴侶嗌交甚至分手，以唔好嘅事物居多。

咁呢個男命，喺昨日，即係１７號，發生咗啲咩事呢？

佢昨日，因為生意陷入困境，導致最近精神異神，於昨日跳樓身亡。

每個人，正常來講，也會有兩次和流年天尅地沖的，呢度講緊係兩年，但如果你咁唔好彩，大運同日柱有天尅地沖，咁呢件事就會放大十倍，因為一個大運是主宰了十年，所以呢樣都幾大鑊架。

師傅我自己都要面對，因為我嘅天尅地沖都就快到了，要好好做好準備。