風水、宗教，與鬼神 (Patreon)

師傅其實在大概十年前，機緣巧合下，皈依咗，算是一位「不稱職」的佛教徒。

點樣機緣巧合就唔講喇，而點解係「不稱職」呢？

原因係，上司給我的功課，我到現在也沒有完成，大大話話都有接近十年了，講出嚟都唔好意思。因為呢份功課，係喺我能力範圍以外，所以到而家都未搞得掂。

呢樣嘢之後再講，今日要講，風水、宗教，與鬼神的關係。

其實風水同宗教，是沒有沖突的，因為風水命理卜筮之說，都是古人將其觀察吉凶的情況，記載下來，而留到現在，只是方法不同。

有很多在香港以前朋友，當年（好多年前）一聽到我學風水命理，就十分反感，佢話就算我講得點準，都唔會相信，只係撞彩，也暗示這是魔鬼的玩意，這點我是不同意，也不（需要）理解他們。
我有好多信耶穌的朋友，也對其他人在萬聖節出去玩，萬分反感，我無意同佢哋講道理或理論，說到底也只是大家的信念不同。我有我拿起羅庚找財位，你有你繼續禱告，無需要吵大鑊，但好多人因此而吵大鑊連朋友都冇得做。

在我來說，宗教是一個導人向善之精神力量，如果動不動就和人相鬥，這和宗教原則有所相佐。

風水命理，要相信，但不要迷信。而宗教也是，對嗎？

師傅雖然沒有完成功課，但也有守基本的戒條，不吃五淨肉，和一些基本的不殺生戒條。總之，維持住善字在心中就好。

至於鬼神，也談不上有關係了。

不過，當然也有一些法科高手，也會同時在風水命理界也冒出頭來，兩條腿走路，當然是有所幫助。現在說是正派的法科，不是呃神騙鬼的法科，跟本冇法，去扮有法，都有唔少。

點扮？我都係聽啲師兄弟講，自己養鬼仔，叫鬼仔去查探事主所發生的事，咁事主就會覺得，呢個師傅好勁呀，咁就可以財源廣進啦（個師傅）。

不過說得準，也只是過去的事，如果沒有返咁上下水平，將來的事，是說不準的。

另外，也有一些所謂師傅，又搞埋法事，睇睇下風水，跟住問個客，招唔招埋財神，在客人家中做個法事，加收幾千蚊港元，到我接手之時，我問佢，咁財神嚟咗？佢話未。。。。

都唔知點招？同埋點嚟？搭車嚟呀？撘幾多號巴士呀？

真正的法，是要修的，要時間去修練，當有一定功力時，其實可以幫助更家多的人，但前提這事必是正義之事，如果客戶殺人放火，乜都做齊，咁當然係唔幫啦。

師傅在皈依之時候，曾經問過其中一位法師，他是在河南的德正法師，我請教他，修他心通難不難的？他說不難，留在廟裡修行，大概兩個月就有成果。當時沒有留下來修法，否則師傅會多一種功力，好似測慌機咁呀喂，你都唔好話唔盞鬼。

術和數是兩回事，沒有修法術，只好努力在數方面用功。

如果以鬼神招搖撞騙，絕非風水命理之東西，大家要小心辨識啊。

我與德林法師，２０１４年攝於香港功德林。