現代命理大不同？ (Patreon)

子平八字，其實係一套好粗糙嘅推命術。

喺古時候，徐子平發明八字命理，其實主要目的，係俾人去推算，人們財同埋官的走勢。

即係你可以喺人生邊段時間，攞到最高的官位。

因為古代，官貴是人之所想，每一個人，都想生個小朋友出嚟，考科舉，狀元及弟。

冇資質的，就留喺農村，幫手調理農務，因為古代嘛，就係咁囉。

生個女，一早就要攞定好人家，順利嫁出，相夫教子。

好喇，咁當然而家有不同啦。

講返今次正題，呢樣嘢真係最新的調整嚟，因為隨住呢幾年大疫情，批命的方向，也要有所調節。

其實師傅本業並非批命，而是風水，不過好多客人有呢個需要，做下做下，咁就做埋。

點調節呢？

今日重點係講健康，係喇，唔知各位，有冇留意呢期新聞，呢一年半載，好多人突然間猝死，係快得好交關的。

新聞有，認識的朋友，或其朋友，也有。

最多的是心臟病，其次係癌症。

疫情之前，好正常的情況下，命師喺見到原局同大運或流年，有水火相沖，即子午相沖，或巳亥相沖，如命主的年紀，在４５或以上，先至會批斷，呢個命主，會有機會心臟病，或爆血管；如金木交戰，就有機會中風之類。

但最新的調整，如你見到有水火相沖，唔理咩年紀，總之斷佢大鑊嘢，因為命中的機會，大大提升，因為而家無啦啦三十歲就會有人心臟猝死。

好似今日見咗個客，見到佢個細仔，六歲時有水火相沖，我都會話喂到時留意下，心臟或血管可能會有事，或者健康出問題，到時多家留意一下。

檢查一下，無妨啫。

唔知大家身邊，有冇朋友，好後生，無啦啦又就心臟有事呢？ 無啦啦又會猝死呢？有啲就身體好健康，但無啦啦急性癌症過身，又點解呢？運動員好地地身體機能比正常人好，又無啦啦仲乜血栓，甚至心臟病猝死呢？

又要問下袁國勇至得喇。