命理隨筆 - 究竟乜嘢係行好運嘅定義呢？(會員後續) (Patreon)

有一次同一位朋友批命，我同佢講，其實你人生嚟到呢個時間為止，一生都尚算幾順利呀。

但佢話唔係，一生都好唔順。

我問佢，你有為生活而担擾過嗎？你應該唔駛為錢而愁架喎。

佢就話喇，佢咁多年炒股票（即係買入又賣出，出出入入），都係輸，有好多仲冇止蝕坐緊艇，咁你話點會好喇。

佢囡囡即刻答咀：媽咪，其實我都覺得你過好好喇。

有些人誤會了，順利人生，係包括炒股票百戰百勝。

大戶也未必會百戰勝。

有些格局，如果打工或嫁了人，安份守己，佢會過得好順利，大部份時間都係過得開心，小部份時間會激心。

但命格也會限制你的特質，例如印比重之人，只宜長線投資，忌進進出出；傷官旺之人，因為腦筋靈活，出出入入咁炒賣，往往得心應手。

所以，兩者不能混為一談，要投資，請先了解命格特質，先會搵到最適合自己的投資方法。如人生沒有投資，行好運時，即係會工作順利，升職加薪，是常見事。

即係話，呢位朋友係，你一生人都係順心架，不需為錢銀奔波，除咗中短綫股票投資唔好掂之外。

******會員後續*******

其實呢位朋友, 格局是順其氣勢, 局中一粒食傷都冇, 如行運, 即係一生以負碌命為主,

不過, 見到佢少年中學升大學之歲數, 有一七殺透干, 逆了行運之氣,

師傅批佢嗰陣時冇返學, 走咗出去做嘢, 而絕學

不過事實係, 佢真係中學後冇返學, 但係原因唔係返工, 而係有傷病

因為七殺可以係主工作而得權, 但也可以主有災劫, 而七殺係不利讀書的

所以有此批斷

八字係一種象意, 如你很了解命主本身的事情, 你批的事就會很準

如你與這人素未謀面, 佢乜都唔講, 叫你批佢幾時結婚生仔

咁係近乎冇可能