乜都關晒風水事？ (Patreon)

我常常都會說，五行會影响住你，所以八字會影响你，風水也會影响你。

咁啱喺網上見到呢個案例，事主住喺呢間睡房，跟住就發生大鑊嘢。

但其他資料都冇透露，咩人出事，咩坐向啦，只係呢個擺位，已經出事咁話。

於是乎好多留言係關於呢間房嘅風水，包括：

１］側門沖床

２］側柜在白虎方沖床

３］橫樑壓床頭

其實如果就咁按以上三點，就可以令一個人出意外，甚至處於生死邊緣的話，我諗全世界好多人都會出呢類意外跟住就死鬼埋。

風水命理師傅要做的，唔係要嚇啲客人，然後收取風水潤金甚至有啲師傅話要作法呀招財神之類，係我哋要分析喺邊個環節出咗問題。

單單就咁講呢幾點，不能構成呢單意外的主因。

如要以術數角度去分析呢類成因，我哋可以：

１］分析佢八字的大運，流年，流月，流日，會唔會喺命盤度，睇到佢有突如其來的疾病或意外

２］如果是的話，嗰一刻佢做緊乜嘢，應輕定應重？

３］風水上，有冇加重或減輕佢呢一次嘅意外，如果加重，即係本來佢唔駛食咁金，但因為風水作用，令佢大鑊啲；

４］如果係減輕，即係好彩你風水上幫咗你，否則可能瓜埋

５］喺命理同風水上，俾一啲建議，減低慘劇再發生的機會

６］拜神，如果你識的話，我就唔識喇，有啲人覺得有人，但我自己就冇拜開。。。

７］問一些神人，前世有冇做錯嘢，我都唔識，不過今世都未搞得掂，前世你講完我都唔知真定假，點認證？不過有人做咗心安理得，咁你自己決定啦

總括嚟講，以呢個案例嚟講，就咁論，不能構成一鑊咁金嘅意外，完。