Home Creators Posts Import Register Favorites Logout

Content

呢排恒指走勢越嚟越樂觀。一月恆指跌穿16000然後好快跌到15000,全世界喺度笑港股時就是氣氛最差嘅時候,嗰時啲股票跌到大家都頂唔順,要放棄港股(capitulation)

相反,啲半導體股票Nvidia或者比特幣,佢哋升到啲人頂唔順。市場放棄了理性,唔理咩價買咗先,以為早買早享受,遲買貴兩舊。(capitulation to the upside)

港股同A股大跌之後(好多衍生工具被打靶,清了市場嘅槓桿),政府對股市嘅態度就180度改變。由之前唔想掂,同埋唔介意傷害市場氣氛嘅政策,變成大力用國家隊同埋種種方法來托市。

最先得益嘅就係阿爺自己嘅企業。恒生中國央企指數 HS SOE Index。

由一月嘅低位去到而家差唔多反彈了兩成(去到20% 技術上叫做牛市)。由上年五月開始嘅下降軌道(紫色線)現時明顯打破了。由之前做lower lows同 lower highs,而家變成higher highs同higher lows。代表下降趨勢改變咗。


跟住就到恒生指數 HSI。上個禮拜跌返落16200之後反彈仲升破嘅高位。跟住去到12月高位遇到阻力,星期三就回條返啲。跟住就睇可唔可以hold到16200嘅支持。keep住做higher low然後再升穿17,200做higher high。

如果可以嘅話就更加確實恒生指數完了下降趨勢。就算投資者唔相信港股有結構上嘅改善,但係因為走勢改變。一定有啲基金(例如做trend following,或benchmark 中國股市)要增加倉位。現時市場underweight,至少買返啲去近啲neutral weight。


最落後嘅係私人企業/大型科技股(因為佢哋受到政策打壓最大)。不過恒生科技指數 HSTECH Index都升返啲上嚟,而家去到重要嘅阻力。


喺一個短嘅timeframe(過去幾個星期),港股嘅走勢越嚟越好。但係喺stage analysis角度,做swing trading嘅話現時仲係早。而家只係stage four嘅尾段 (跌完),或stage one嘅初段 (開始打橫rangebound行)。

喺依個市場階段,有時會搵到個別嘅交易機會(例如之前嘅1088, 883, 1157 )。但係因為大市唔配合,所以只可以博贏少少,唔可以博home run(一個交易賺幾十至100%)。

現時最理想嘅係港股停止繼續跌,然後橫行一段時間,等到至少50天線上返200天以上先至有利短線交易。

中長線投資的話,就要睇吓結構性嘅問題會唔會改善。

免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。




Comments

Elvis Ho

可否update 下對uranium 的看法?

峰 杨

那23条不影响吗?

Johnny Ho

咁其實中長係咪可以加小小倉位 依家好undervalue

Amanda

Thanks!

Lee Chun Kit

what is the 結構性嘅問題?