Home Creators Posts Import Register Favorites Logout

Content

HSI 恒生指數

港股繼續上落市,但係仲係一底高過一底 (higher lows)。中國3月PMI意外地超預期,出嚟50.8,比預期50.1高出唔少,令到復活節假期之後港股開市夾到去17,000。但係有講今次PMI數據,中採PMI的季節性調整用的是過去5年數據,而2019-23正好覆蓋了整個疫情期間,因此最後調整出來的數據和市場對經濟的實體感知差距比較大。

股市今年嚟講見咗底嘅機會似乎比較大。睇返數據由一月中後期開始,南水A股淨流入接近700億人民幣。所以嚟緊都係睇返震盪偏上。當然唔好期望嘅大牛市重臨,播吓小陽春就好啦。

習近平同拜登突然之間傾咗個幾鐘電話,雖然唔會期望中美關係突然回暖,美國佬一面就話中美唔會脫鈎,另一面喺高科技產業嗰度繼續限制中國,最新要求南韓對中國晶片技術出口採取類似於美國已經實施的限制措施,希望能在 6 月中旬的 G7 峰會前達成協議。而另一方面,財長耶倫呢幾日都會訪問中國,我相信都係講要大陸買債,跟住布林肯之後都會訪問中國。

啱啱嘅業績期,其實大部份業績都係比預期差,科技股就好些少,例如美團(3690)算係唔錯。騰訊(700)就不過不失,叫做有回購頂住。 美國上市嘅拼多多(PDD)最犀利,但係市場一直都好擔心美國會搞佢Temu。最犀利當然係小米(1810)架SU7,不過都係見基金趁好消息出貨。有小米加入戰團之後,各大車廠繼續減價,造成個電動車板塊嘅盈利visibility低。

最近其中一個好熱嘅term,「新質生產力」,非常之抽象,或者未來都係會見到呢個字眼,過去嘅「一帶一路」「雙循環」應該唔會點再講。 似乎有啲似係避開西方嘅輿論焦點。 另一方面,早幾日有講過人民銀行,有機會好似聯儲局咁買債,量化寬鬆QE。不過即刻有啲大行出嚟反駁話中國唔會。其實事緣都係近日「曝光」的一段中國國家主席習近平去年的講話,在央行公開市場操作中「逐步增加國債買賣」。始終因為而家中國利息遠高於零,暫時唔需要由央行買債再去壓低利率,而人行仲有減息減存款準備金呢啲手段。

今個禮拜比較多轉倉嘅動作,主要嘅焦點都係資源股,例如黃金/貴金屬,同埋石油,尤其係啱啱以色列炸完伊朗住敘利亞大使館之後,睇嚟嚟緊中東又唔太平。而油價上升都對美國通脹有壓力,今年聯儲局減息預期得返兩三次,而近期人仔似乎又再有返啲貶值趨勢,如果去返7.3呢啲位,都會對大市有啲沽售壓力。

 Watchlist

293 繼續留意住

941一樣都可以繼續注意

1288 除咗石油,中國嘅銀行股票走勢大部份都唔錯。其中農行而家有set up。造成交易機會。

免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。

 

Comments

ACyk

可不可是說多 而油價上升都對美國通脹有壓力, 如果非農指數如何部署?