Home Creators Posts Import Register Favorites Logout
haven't archived this post yet. have a subscription? use the importer!

Content

港股繼續震盪向上,終於stablize係17,000點。 原本以為A股弱勢會拖累港股,點知港股完全冇應,反覆向上。 似乎過去幾日A股弱係因為有傳北京一家量化私募大廠出現「巨額贖回」 (link)。人仔都算定,雖然美元DXY係啱啱嘅CPI報告出嚟之後抽返上105,但係大陸繼續托價,CNH暫時企住7.25,只要人民幣頂到呢啲位,個市都唔會太差。

今個禮拜,最犀利當然係資源股,亦都有唔少基金追貨。講起資源股,諗起港交所(388),第一就係市場氣氛逐步改善,其二就係佢旗下嘅倫敦金屬交易所 (LME)應該會受惠呢轉商品牛市,而2023年LME收入佔港交所18%。所以佢有個故事,但係技術分析上價錢走勢冇任何可以trade嘅set up。所以只是觀察住。要等佢跌完開始升返上嚟啦先會交易

AIA (1299) 業績之後狂插,雖然業績比預期好,加上指引都唔錯,但係都係跌咗20%,市場似乎對佢嘅股東架構有啲擔憂,呢隻股票又係冇大股東嘅,全部都係基金揸貨,加上呢兩日有傳聞話香港其中一間最大嘅第三方保險代理比廉署同保監局上門拉咗廿幾個高層,涉嫌回傭比客(尤其係大陸客),而回佣嘅保單好大機會係作廢㗎,呢單嘢之後真係要睇後續發展如何?

科技股唔錯,馬雲5年嚟第一次係阿里爸爸(9988)內部發文 (link),高度肯定主席蔡崇信及行政總裁吳泳銘組成的新管理層的變革勇氣,認為阿里已重回健康增長軌道,支持繼續改革,股價即彈。現時股票仲係downtrend,但係會留意住。例如可唔可以破紫色線嘅重要線嘅阻力

而家睇落去,市場開始覺得大陸中國經濟已經見咗底,尤其係3月份PMI之後。亦都見到長錢活躍咗,而其他行家都話近排中港股票嘅買盤都好咗。要留意就係下星期開始會進入業績靜默期 blackout,,因為最近騰訊(700)美團(3690)啲回購佔市場成交成15-20%。唔知下星期冇咗回講,走勢會點。整體大使都其實幾兩極化,資源股破晒頂,科技股美團騰訊比較靚仔,其他都係比較一,傳統金融股就好鬼殘,直博率唔係太高。

Market

恒生指數同埋恒生SOE指數都去到一個重要位。就係由三月以來嘅高位。照返今年嘅uptrend走勢,同埋基金對港股興趣高番啲,嚟緊有機會會突破,然後下一個阻力就係18,000點

Watchlist

941 仲等緊,越嚟越近

2899 如果有交易呢個突破嘅話已經到目標價。但我冇因為當時已經持有足夠嘅黃金風險

293 繼續留意緊,但係如果再跌多啲嘅話就會violate個setup (代表remove from watchlist)

之前強嗰啲股票繼續強,但係現時沒有值得交易嘅set up: 883, 857, 1088, 1157, 1164, 1816, 2338

免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。

 

Files

Previews only

Comments

AY

"市場似乎對佢嘅股東架構有啲擔憂" 呢個擔憂點解公佈業績之後先反映喺股價?

Schgod

11 恒生好似掂