港股16100支持 (Patreon)
Content
恆指由4月10號17,200點高位,跌咗1,000點,去到16,100(綠色線支持),之後先開始定返啲。 而家恆指低過三月尾嘅低位 ,對今年開始嘅短期上升勢唔係一件好事。

但係至少今次跌係因為宏觀因素,而唔淨係香港/中國嘅問題。美國通脹數據有上升嘅趨勢,令到美元轉強同埋債息抽升。同埋啱啱三月份中國嘅經濟數據,出入口/社會零售/工業生產值同同都比預期差(雖然上年有啲高基數嘅原因)。
美元指數由105升到106.5。當美元強嗰時新興市場股票通常就會較弱。

跟住落嚟就要睇恆指守唔守到16,100點。 如果跌破嘅話今年開始嘅上升趨勢就玩完。投資者嘅信心再次被打擊
美國10年債息由4.36%抽到最高4.7%,最慘就係一眾嘅本地地主,好似領展(823)同埋負債最重嘅新世界(17),要去到星期三俾人大力沽空完先識反彈,星期三成交咗23m股,超過一半,成14m係沽空。上個星期講嘅友邦(1299) 都係因為保險監同埋廉署首次採取聯合行動打擊懷疑向內地旅客無牌銷售保單。
上個星期五,大陸證監就公佈咗新國九條,係繼04年“國九條”、14年“國九條”以後,十年一度的“國九條”再次推出,資本市場政策支持週期持續發力。與以往更加聚焦“融資端”不同,本次“國九條”更加強調以投資者為中心,以下四個方向需要重點關注:(1)提高上市公司標準;(2)規範減持、採用ST警示等方式提高分紅 (link)(3)加大淘汰力度,促進A股的“新陳代謝”,退市公司數量或將上升;(4)增加高頻交易的交易成本。
其實總體嚟講就係叫你買大國企,有機會增加派息,所以令到星期一二的中證2000指數大插11%,好彩星期三監管層又出嚟解畫,係針對殭屍公司唔係針對小微企業,先令到個提示好返少少。每次出國九條之後就係一個牛市嘅開始,唔知今次有冇機?
之後又有拜登出嚟講話要加由大陸入口嘅鋼材同埋鋁嘅關稅,由7.5%加到去25%,之後仲要對大陸嘅造船業發起檢查。我諗由而家開始直到美國大選,都不停會有呢啲新聞出現,尤其講拜登同埋特朗普係一啲要擺嘅州份拉票嘅時候。總體嚟講都會係一啲無關痛癢嘅關稅,而家美國CPI有上升嘅壓力,佢哋都唔會亂咁加關稅,火上加油。始終拜登最想喺大選之前可以減息,當保自己拉票。不過而家美國CPI連續三個月比預期高,如果呢個趨勢繼續,下年真係有機會上返4%。不過早幾日睇咗篇文章,有啲學者就話息口越高,反而有機會拉高通脹,一嚟啲人係早幾年利息低嗰陣時已經買咗樓,同時鎖定咗低嘅利息(呢個只係美國先有嘅,30年fixed rate按揭),而家咁高利息令到啲人,尤其係啲退休人士,嘅利息收入高咗,而去消費更多。
Watchlist Review
941 價錢方面升穿咗紫色嘅阻力。但係因為下個星期一就出業績,所以唔會交易住

293跌穿咗紅色支持。而家set up violated,可以唔再留意

Watchlist
1186 由上年九月開始consolidate,造成一個幾靚嘅rounded bottom而家開始反彈。暫時未入stage two,但係個圖幾靚,依種股票要繼續留意

998星期三突破咗。依種price action好緊,跟住高成交突破嘅就係我哋想搵嘅目標。如果miss 左呢個breakout嘅話而家追就太遲。可以留意第二啲中銀股票

3328有相似好緊嘅價錢走勢。但留意返下個星期五出業績。

1288 二月是做咗第一個突破,跟住建立個base去到今個月就第二次突破。會喺4月29號出業績

1810做緊一個cup and handle。上個星期市場跌嗰時佢都冇大跌。佢喺香港少有比較強嘅科技股。

1258 呢隻股票好波動,所以我會用day end嘅價錢來決定買唔買或者止唔止蝕。佢第一個突破喺三月初,然後形成一個新嘅base,跟住睇吓會唔會再突破啦

免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。
Files
Previews only