Home Creators Posts Import Register Favorites Logout
haven't archived this post yet. have a subscription? use the importer!

Content

港股繼續做好,同美國股票對比而家display緊relative strength。即係佢嘅走勢比較強,上星期因為宏觀因素跌,但今個星期佢嘅反應強過美國。比到我信心下降走勢完結了同在短期嘅低位今年初已經見了。今個星期仲升破埋17,100嘅阻力,跟住下一個阻力就去到18,100。

由上個星期五開始,聽到啲美國錢返入嚟香港買貨,反而A股就冇乜,亦都係因為咁所以港股跑贏晒A股,主要都係騰訊美團呢啲大型科技股。可能個轉捩點就係ASML同埋台積電(2330)之後,啲global money開始係美國/日本同呢啲大幅跑贏嘅市場食糊,而轉過嚟中國嘅科技股,始終中國嘅科技股真係好平同埋夠流動性之外,都有唔錯嘅值搏率。聽講有個美國錢,由上個禮拜五開始每日買騰訊(700)美團(3690)平保(2318),相信閑閑哋都有十幾億美金以上。當然除咗呢個global rotation之外,係咪仲有其他原因就暫時未知。

最新UBS把中港股市評級由「中性」升至「增持」,(將台灣、韓國股票評級下調至中性) 相信內地消費正處於初期復甦,利好企業盈利,而高盛認為內地之前發布的新「國九條」,重振了A股獲估值重估的希望。

再加上中央公布5項鞏固香港金融市場的措施,包括(一)放寬「滬深港通」下股票交易所買賣基金的合資格產品範圍、(二)將房地產投資信託基金納入「滬深港通」、(三)支持人民幣股票交易櫃台納入「港股通」、(四)優化基金互認安排,及(五)支持內地行業龍頭企業赴香港上市。而中證監又開始復甦批企業去美國上市,最新就係小馬智行,擬發行不超過9815萬股普通股係美國上市,唔知係咪耶倫過嚟之後中美嘅默契,所以呢幾日港交所(388)走勢都好凌厲下。

雖然之後美國佬放風話會傳制裁助俄中國銀行業,不過我相信都係雷聲大雨點小,尤其是啊,呢兩日國務卿Blinken訪華,有機會係傾吓呢單嘢。我相信主要目標都係啲非主流銀行,上市銀行應該都唔會咁蠢,擺明做呢啲嘢。所以個市喺嗰日消息出嚟之後等咗一陣,跌咗百零點之後,又升返上去。

總體嚟講,似乎個市場已經轉咗向,以為星期四會回得深啲,點知100點都冇,反而向上嘅momentum繼續。

Watchlist Review

941 突破了,因為業績報告嘅關係最好嘅買入點係4月24號出完業績之後當股價再創新高同埋成交高過之前嗰時

1288 到了目標$3.59。我哋賣股票時,尤其是啲買賣價好厚嘅股票,賣在四同九(e.g $3.54, 3.59)。而買嗰時就用一同埋六 (e.g. $3.51, 3.56)。佢下個星期一出業績。可以出之前take profit,亦可以因為已經升咗唔少有一個profit cushion,可以繼續揸住一部份放紙鷂,

1810 星期五早上突破了。現時開咗時半個鐘,佢嘅成交已經60m股等於半日嘅成交。所以今日嘅成交一定高符合突破嘅條件。

Watchlist

SOE index (state owned enterprise) 突破了今年嘅阻力
我會留意有關嘅股票,例如941同埋1186。1186雖然未係stage two但係個走勢越來好。下個星期會出業績,業績之前唔會偷步交易19 由12月開始已經整蠱,還行咗差唔多半年。我會留意佢幾時突破。

免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。 

Files

Previews only

Comments

ff2000

我哋賣股票時,尤其是啲買賣價好厚嘅股票,賣在四同九(e.g $3.54, 3.59)。而買嗰時就用一同埋六 (e.g. $3.51, 3.56)。 唔係好明

Jason

想請教今日港股已到18100(阻力),(日線圖)見到下面有兩個上升裂口分別16853、16280左右,裂口是否會補回呢?什麼情形下會回補裂口?