Demark 13又中,恆指三日跌一千點 (Patreon)
Content
星期一 Demark 13 signal,真係見咗頂,星期二開始回,短短三日都跌返差唔多1,000點。

正如上個禮拜update提過,恆指幾日前非常之overbought (RSI 78),DeMark indicator又差唔多去到13,所以短期內pull back可能越嚟越高。而家喺幾日內pull back 1000點同之前一個月升3000點嚟講係非常之正常。只可以話係預期內可以發生嘅事件(同預期內會發生嘅事件唔同)

既然呢個pull back係預期內可以發生嘅事。喺技術分析上現時我哋冇證據嚟推理由一月開始嘅新short term uptrend已經玩完。跟住要睇嘅就係守唔守到啲重要嘅支持(之前嘅阻力)例如18,700,同埋唔好跌低過五月初嘅低位18,200 keep住做higher lows。
喺基本面上,依一浪係基金炒政策改變令到經濟改善有利中國嘅企業。咁依個消息炒完啦跟住就要睇delivery。究竟啲政策有冇預期咁好,定係又係發空炮?嚟緊機構投資者就會留意中國真係推出乜嘢政策,佢哋嘅大細,同埋影響力。
如果火力唔夠嘅話,投資者失望覺得唔夠嚟推動個經濟恢復咁樣可能呢個小牛市就玩完。個原理就好似日本銀行干擾日圓咁。一係就係政府好大力干擾市場,成功干擾。如果唔係佢哋出力唔夠,干擾失敗令到市場失去信心咁樣就好容易令到玩完。
如果我要估 (做swing + day trading嘅話就唔使估,跟圖同埋價錢走勢做決定。做投資嘅話就要take view,睇吓襯唔襯今次pull-back時買),我估政府成功嘅機會會高啲。
因為第一之前嘅positioning同sentiment已經非常之低。中國股票跌咗幾年之後要沽股票嘅人已經賣晒。唔會剩返好多人,而家市場反彈兩成先至出嚟沽貨。
第二係之前幾年領導人都嘗試過救市,但係每次出招唔夠勁好快就比市場冚返低。經過咁多次教訓之後今次佢哋嘅態度係明顯強好多。所以我覺得佢哋好有決心做返好個股同樓市。
Events
市場星期一趁住中國政府公布3,000億人民幣再貸款去幫助地方政府購買待售房,再炒多一波。之後就開始有人講條數唔夠大,話少過預期1萬億。好似之前咁講,呢啲政策會令大陸樓市比預期快見底,但係唔會令到樓價反彈,而樓價反彈亦都係政府最唔想見到。至從4月30號政治局會議之後,話會「消化存量房產和優化增量住房的政策措施」,短短兩個禮拜,已經有政策落實,支票都開埋,如果唔夠,點睇都會有後續。
整體業績期都算唔錯,快手(1024)幾靚仔,小米(1810)就一如預期地強,不過呢期啲業績比較普遍都係見光死,尤其是之前升得比較多嗰啲例如快手(1024)攜程(9961)。不過最主要嘅新聞都係阿里巴巴(9988)百度(9888)騰訊(700)都一個接一個將AI LLM 大幅減價,price competition又開始卷。跟住京東(9618)走出嚟要發17.5億美金CB,之後到星期四晏晝有傳阿里巴巴(9988)準備返50美金CB。正如之前阿里巴巴出業績嗰時咁講。阿里又入返去投資期,要一路使錢。加上拼多多業績好勁,有機會啲對沖基金嘅長短就係買拼多多做空阿里或者京東。
Watchlist Review
星期一358同2899兩隻都升到我嘅目標,所以我take profit。表現唔錯用咗兩個星期就賺咗10幾個percent

1186, 941, 1810, 1258 之前這些股票已經到咗我嘅target。我賣咗一部份之後另一部份就留在放紙鷂。咁就要留意返當股價跌穿一啲短期嘅支持嗰時就要止賺離場
6969 突破之後price Action幾唔錯。而家我會考慮將stop loss推高度買入位,變咗依個交易 risk-free

6683上個星期突破完之後急升,但係跟住pull back。好彩pull back時成交比起升嗰時低,所以唔算太差。我會繼續觀察同考慮將個stop loss調高啲將依個交易嘅風險大量減少。

免責聲明: 所有內容僅為本頻道對其本身行為的描述,只作知識及學術分享討論,絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此,投資者不應只按任何本頻道的內容或本頻道作者所提供的任何資料(包括以其他途徑提供的與頻道相關的回覆或評論)進行投資。本頻道建議任何投資者在作出任何投資決定前尋求獨立的財務及專業意見,而本頻道並不會提供有關意見。本頻道所載資料僅供參考之用,概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,如有任何變更,恕不另行通知。對於因使用或依據本頻道內所載的資料而引起的任何損失或損害,本頻道恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。
Files
Previews only