Home Creators Posts Import Register Favorites Logout
haven't archived this post yet. have a subscription? use the importer!

Content

科技股嘅話,上星期五騰訊(700)有新聞話中國監管當局就要佢減少微信支付嘅市場份額,呢個消息拉低晒成個科技板塊從而拖累個市。但係星期一返嚟又好似冇乜事。而攜程9961就加入咗發行可換債券(CB)嘅大軍,今次佢會發行13億美金嘅可換債。相信佢都唔係最後一間,之後亦都有市場消息美團(3690)會準備法可換債集資,不過市場覺得美團(3690)有足夠現金去支持回購同埋佢嘅業務,所以唔知會唔會發。佢第一季業績唔錯,但係話第二季啲數字會回復正常。另一方面,摩根士丹利預計阿里巴巴(9988)會係今年8月底在香港轉為雙重主要上市地位後,將最快於9月能納入港股通,預計獲納入港股通後首6個月,帶來120億美元的資金流入,不過認為港股通對阿里的流動性及成交的增量支持有限,估值料不會顯著提升。

呢期啲債息回得幾急,加上OPEC+嚟緊會縮細減產規模,同埋美國經濟似乎都有多咗啲轉弱嘅跡象,例如ISM同就業數據都麻麻哋。都令到啲能源板塊板塊受沽壓。油價跌到四個月低位,都有利拉低通脹。而加拿大央行成為第一個G7嘅國家減息,跟住歐洲央行都跟隨減息,似乎美國九月份都幾大機會開始減息,所以整體嚟講對中國/新興市場都會好返些少。嚟緊都可以睇返啲地產股或者高息股。

A股市場就有啲日升日跌,早兩日證監會將在2024陸家嘴論壇期間(19-20號)發佈資本市場相關政策舉措,但係似乎市場冇太大反應或者期望。不過五月份內房銷售數據都麻麻,加上星期四一個消息話上海深圳交易所正考慮暫停對量化基金等部分機構提供深度證券交易數據,者係level 2行情,令到啲細盤股大跌,滬深2000指數最多跌成4.7%,收跌3.9%,都拖累埋港股。之前或嘅小型頭肩頂,有機會見港股調整返去250天線。

行家話呢期啲Flow比較靜,可能注意力都去咗印度大選,星期二因為印度大選結果同預期有出入,就有啲沽印度補返啲香港,而星期三印度反彈港股就被沽到差唔多倒跌。有返啲美國錢買啲權重股,例如騰訊(700)美團(3690)平安(2318)巴巴(9988)建行(939),仲有啲對沖基金就買返啲阿里健康(241)石藥(1093),另外都有沽返啲聯想992。 或者嚟緊都可以睇返啲醫藥股,啱啱中國出咗啲消息,中國國務院辦公廳印發《深化醫藥衛生體制改革2024年重點工作任務》,將加快創新藥、罕見病治療藥品、疫情防控藥械等審評審批。

Watchlist Review

6969 突破之後三個星期達到我嘅sell-into-strength目標賺18%。

6055 另一隻同行嘅煙草股票同時間突破(discord道提)。現時升咗30%。

981 今個星期突破成交都好高。另一隻1347就領先緊。兩隻都未喺stage two所以呢個交易我唔會太aggressive。

Watchlist

同981相似跌到好殘但係未入stage two就玩反彈嘅有241 同 20。近排股票停止左下降走勢。成交方面升時候多啲。兩個都係好嘅徵象

916 嚴格上都未入stage two,但係至少50天線crossover咗200天。呢隻尋日喺Discord度提過。

玩返強勢喺stage two有1800。同行嘅1766走勢差唔多。兩個用咗一年形成一個杯 setup去返上年四月嘅高位。睇吓跟住直接突破創新高定係form handle先突破。

2148 呢個係周線圖嘅set up,所以預期交易嘅時間會長啲同埋potential loss + 追求嘅回報都會大啲,所以喺position size方面就要adjust吓

 

免責聲明: 所有內容僅為本頻道對其本身行為的描述,只作知識及學術分享討論,絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此,投資者不應只按任何本頻道的內容或本頻道作者所提供的任何資料(包括以其他途徑提供的與頻道相關的回覆或評論)進行投資。本頻道建議任何投資者在作出任何投資決定前尋求獨立的財務及專業意見,而本頻道並不會提供有關意見。本頻道所載資料僅供參考之用,概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,如有任何變更,恕不另行通知。對於因使用或依據本頻道內所載的資料而引起的任何損失或損害,本頻道恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。

Files

Previews only

Comments

No comments found for this post.