港股6月13 (Patreon)
Content
港股繼續弱,由四月開始嘅升勢由17,200一口氣升到19,800。跟住五月中開始調整,而家落返18,100大概係0.618 Fibonacci retracement 。再加埋係50天線。如果要守嘅話恆指就差唔多要反彈。如果唔係個圖就越嚟越核突。

嚟緊嘅catalyst有之前講過嘅陸家嘴金融峰(6月19-20)(link)大陸話會出台啲政策針對資本市場,而七月就會開期待已久嘅三中全會,呢個會都係主力講經濟。
今個禮拜個市冇乜太特別。都係騰訊700美團3690有多啲力水。而A股動力繼續減弱,縮成交。 大陸政府繼續出口述托個樓市,話研究緊啲新政策去食庫存。都係嗰句,呢啲政策只會令樓市見底時間快咗,但係繼續會落。加上傳大陸限制銀行銷售私募基金產品(link),都令到銀行嘅非利息收入受壓。
科技股方面,美團上個星期業績唔錯,今個禮拜啲春江鴨就知道佢加碼10億美金回購,之後又係趁好消息散貨。電動車股開始見到啲好消息,尤其是歐盟話向大陸電動車徵收17-38%關稅,比亞迪1211就17%,吉利175就20%。 聽講條街覺得30%以下嘅關稅算唔錯,仲有數圍。瑞聲 2018 breakout跟住蘋果炒,加上Siri AI嘅硬件升級慨念。而藥明2269就因為呢幾日美國嘅HR8333提案在纳入NDAA立法过程中受阻,夾咗一日淡倉,之後又係無以為繼,美國佬又點會咁容易放過你。
最差嘅係消費股,端午節嘅數據好一般。加上五月份大陸CPI都係比預期差少少,同埋指標性嘅茅台600519批發參考價跌破2400元大關,普茅(海外版)電商報價低至2048元。都見到啲對沖基金繼續沽空澳門股同埋啲餐飲股。嚟緊大陸會出更多嘅五月份經濟數據,呢期都有路邊社消息話五月新增銀行貸款/M1/M2會比市場預期差。
行家話今期啲flow靜咗好多,不過大市成交仲有過千億,都有啲surprise。阿里就比較多人沽。萬八點開始有些少中資買返少少貨。對沖基金就好似上面咁講short啲消費股,另外有人平緊啲hedge。之後有幾個長錢喺歐盟公佈徵收17%關稅之後追返啲比亞迪。 Technical方面Demark 見底訊號仲有4-5日。

Watchlist Review
6683 突破之後price-action唔錯。升嗰時成交高過跌嗰時。尋日再做咗一個小突破。為咗保護利潤我會將止賺調高到上星期consolidation嘅低位
981 走勢都OK(雖然冇1347差咁強)。成交都OK。而家去到我目標多過一半。我會將stop level提高啲,但係呢隻股票好波動所以要留返適當嘅空間俾佢發

1800 幾日前突破之後唔生性跌返落嚟。但係跌嗰時成交唔算太高,所以跟返原本計劃
902 慢慢等緊。同行1071, 2380, 836嘅已經郁咗。
Watchlist
而家喺early stage two嘅港股選擇唔多。有嘅好似6969 , 6683都已經差唔多去到我target。
跟住就剩返一係已經升咗一段時間已經有好幾個base(例如1088 , 857, 941)。如果唔係就係仲係stage one可能進入stage two(例如981 , 20)
763 屬於第二種。50天線仲喺200天以下但係股票走勢越嚟越似stage one未。所以值得留意 (有啲似前幾日交易課程組織分享嘅788)

916, 941 (discord share) 都係近排突破。繼續原本計劃操作
免責聲明: 所有內容僅為本頻道對其本身行為的描述,只作知識及學術分享討論,絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此,投資者不應只按任何本頻道的內容或本頻道作者所提供的任何資料(包括以其他途徑提供的與頻道相關的回覆或評論)進行投資。本頻道建議任何投資者在作出任何投資決定前尋求獨立的財務及專業意見,而本頻道並不會提供有關意見。本頻道所載資料僅供參考之用,概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,如有任何變更,恕不另行通知。對於因使用或依據本頻道內所載的資料而引起的任何損失或損害,本頻道恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。
Files
Previews only
