高息國企股反彈 [港股] (Patreon)
Content
恆指跌到陸家嘴金融峰會嗰日先反彈,不過主要原因都唔太係峰會入邊講嗰啲所謂嘅政策,而係朝早中國國新認購3家基金公司旗下的中證國新港股通央企紅利ETF,主要都係啲高息國企股,咁下邊有個錶就列出主要嘅高息國旗股嘅息率:

呢個幾日出嘅經濟數據都麻麻,M1/M2/社融/工業利潤/都比市場預期差,唯一嘅亮點就係消費,六個月以來第一次比預期好,不過只係玩咗兩日。

618 啲數據俾人淡化晒,見到出邊有人寫「內地618購物節行業有韌性 內容電商增長放緩」,有韌性即係有錢唔使勒住褲頭。茅台呢單嘢真係比較麻煩,股價暫時守住1500,不過呢隻真係大陸消費嘅定海神針,佢都唔得嘅話,其他又點會好?所以A股就真係唔掂,龍頭茅台探底,認得時代有冇勢,其他啲錢就落晒嚟香港買高息股。
茅台周線圖接近長期支持位

今個星期三為止,嗰 個市都係偏弱,但係去到咁上下又彈返上18,000點,而成交有兩日都唔夠1000億,睇得出好多人都冇乜頭緒。加上美股不停破頂,更加令到啲人轉場,又或者攞港股嚟做funding short。
星期四雖然指數跌幅唔大,不過科指跌成1.7%。好似乜都沽,淨係留高息國企股。中國嘅10年國債息率繼續落,反映大家都繼續打防守。而人仔星期四破咗半年有多嘅低位,情況唔係好樂觀。不過如果佢慢慢咁貶值,我相信大陸政府都會由佢。科技股真係得返騰訊美團比較好少少,仲有啲人喺度留守。
啲人都冇乜追太多貨,仲係沽盤多。聽日收市就富時換馬,加上星期五美國期指期權結算。
Market
恆指跌到落50天線終於反彈一下。但係氣氛仲係麻麻,機構投資者四月追貨追到癲之後呢排靜返好多(尤其是因為美股不停破頂,好炒好多好)

SOE國企(通常高股息)表現明顯強好多

Watchlist Review
6683從突破後曾經升20%。但係星期二有個強啲嘅拉回。如果佢再跌多啲嘅話,例如跌穿上個星期一低位我就會止賺(+9%)離場

981到咗我目標,賺15%

1800股價好似跌咗好多,但係係因為派咗$0.315CNY 股息。所以要adjust返啲Level

916 曾經升到我嘅目標嘅一半。跟住幾日前有個強啲嘅pull back,成交幾高。喺依個位我會考慮平手離場,如果冇嘅話再跌多啲就止蝕輸少少走

20未突破。Take no action

902, 241 突破了,跟返原本計劃

免責聲明: 所有內容僅為本頻道對其本身行為的描述,只作知識及學術分享討論,絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此,投資者不應只按任何本頻道的內容或本頻道作者所提供的任何資料(包括以其他途徑提供的與頻道相關的回覆或評論)進行投資。本頻道建議任何投資者在作出任何投資決定前尋求獨立的財務及專業意見,而本頻道並不會提供有關意見。本頻道所載資料僅供參考之用,概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,如有任何變更,恕不另行通知。對於因使用或依據本頻道內所載的資料而引起的任何損失或損害,本頻道恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。