內銀,石油,電訊股 (Patreon)
Content
上次講大陸嘅債息,因為避險,跌到接近歷史低位。今個禮拜人民銀行終於出嚟話會係近期面向部分公開市場業務一級交易商開展國債借入操作 (link),其實即係帶頭沽空債市,希望令到債息上返去。暫時而家大陸10年債息由2.19% 上返去2.25%,之後就要睇佢實際操作如何。但係呢期啲北水主要買內銀,石油,同電訊股,繼續打防守。
至於中概股轉強,有可能市場睇拜登喺辯論之後有機會退選(雖然暫時佢都喺度極力否認)。而其中一個比較熱門人選就會係加州州長Gavin Newsom,仲記得上年佢就自己走去訪問中國,仲送咗件勇士波衫比習近平。市場睇Newsom對中國嘅態度比較溫和 (不過佢實際贏嘅機會幾低)。

其他方面,有傳中國開始改革稅制,因為樓市唔掂令到地方政府缺水。所以中央就想推出消費稅改革,擴大高端消費徵稅範圍,並將徵收的消費稅逐步下劃給地方政府。同時亦都會令到地方政府更加有動力去擴大消費。
內房似乎都好些少,六月份銷售按月升36%,而七月開始會見到當年跌幅開始收窄,因為已經開始低基數 (low base effect)。
科技股跌到星期一美國上市嘅KWEB (CSI China Internet ETF)出現DeMark嘅9+13轉勢向上信號。跟住禮拜二同三就反彈。喺資金流方面,行家話見美國基金買騰訊同攜程(9961)。近排見到有啲夾淡倉。暫時都係睇返科技股有機會繼續向上。
KWEB (CSI China Internet ETF)
Watchlist Review
6683 喺呢度見到推高stop profit嘅好處,尤其是呢啲妖妖地嘅股票。我哋唔清楚真係有機構投資者儲貨定係第二啲原因。尋日就一下跌咗8%。但係因為set咗stop,所以跌穿近幾日嘅低位嗰時已經take profit離場
1800, 902, 788 高股息國旗股票係香港現時最強嘅板塊。這些股票突破之後繼續上升

Watchlist
763仲等緊。50天線就嚟同200天線Crossover (positive)

763 嘅走勢有啲似9698 ($GDS)。希望青春楚力之後佢都可以急速咁升
525由五月至七月consolidate,好似準備嚟多一腳
免責聲明: 所有內容僅為本頻道對其本身行為的描述,只作知識及學術分享討論,絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此,投資者不應只按任何本頻道的內容或本頻道作者所提供的任何資料(包括以其他途徑提供的與頻道相關的回覆或評論)進行投資。本頻道建議任何投資者在作出任何投資決定前尋求獨立的財務及專業意見,而本頻道並不會提供有關意見。本頻道所載資料僅供參考之用,概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,如有任何變更,恕不另行通知。對於因使用或依據本頻道內所載的資料而引起的任何損失或損害,本頻道恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。