中證監再出招托市 (Patreon)
Content
今個禮拜個市成交靜,掹車邊1,000億成交,早兩日仲要得返唔夠900億。啲基金講佢哋印尼馬拉仲忙過香港。啲錢走晒去日本,美國,台灣炒,香港得返啲中資同埋對沖基金喺度互片,今個星期美資客失晒蹤。就算係星期四夾返上去,成交都係1,000億多少少。
星期四市場借中證監出招夾淡倉,大陸暫停借貨,唔俾你沽空,咁大家一於一齊去冚淡倉,A股就係白酒新能源鋰電池呢啲板塊夾得最凶狠。
港股方面,之前啲當炒嘅高息國企劈咗一棍落嚟,都係趁好消息出貨。因為首批3隻中證國新港股通央企紅利ETF係星期三正式開始交易。不過呢啲國企股國家就隨時揸六七成(甚至更多)股權,內地啲基金就一齊揸住十零個%,變相街貨真係唔多,大家一齊沽啲出街就,好容易令到冇人接貨。
港股嘅話焦點去咗科技股票,百度(9888)第一隻跑咗出嚟,突然之間走去炒佢嘅無人駕駛業務,佢嘅蘿蔔快跑已在多個城市成立公司 (link),已經喺唔同城市開始營運。聽講佢嘅價錢比平時叫車平一半有多,開始有人吹佢出年有機會收支平衡,甚至賺錢。
第二隻就係阿里巴巴(9988),馬雲低調咁現身阿里總部。加上有報道講淘天集團放棄絕對低價(link),咁呢樣嘢對成個板塊都會有好處,可能都要睇返啲京東(9618)快手(1024)。加上阿里巴巴有機會九月入港股通。
仲有就係手機設備股,一嚟今年嘅主題都係圍繞AI電話同埋AI電腦,加上蘋果破頂,上調iPhone16備貨量到9千萬部,產業鏈有丘太(1478),瑞星(2018),舜宇(2382),比亞迪電子(285),高偉(1415)。
之後有傳平安(2318)考慮今年發行可轉債,規模可能在20-50億美元,不過都要等中國監管部門的批准先得。呢單野其實都冇乜太特別,短期可能會震一震,但係睇返遠啲都應該係對股價有利。加上星期四開始見到啲中資又返嚟買啲金融股,例如人壽友邦同建行。
同埋星期四突然之間多咗啲歐資錢走嚟買香港地產股,例如恆基(12)領展(823)新地(16)。香港地產股嘅買盤真係好日都唔見一次,之前都淨係見到啲對沖基金喺度沽空質落去。嚟緊下個星期就開始三中全會,咁市場就絕對冇乜期望,反而咁樣會有多些少驚喜? 今年大陸出政策都有啲似係每三個左右月出一招,年頭一二月就減存款準備金,入市買ETF,證監會換人,尾市最後30分鐘唔比正賣出等等,四五月就十救房地產,減免內地個人投資者投資港股股息需繳納嘅20%所得稅等等,唔知嚟緊七八月係咪又有一轉呢?
Watchlist Review
763 喺上個星期嘅Watch list。係差唔多進入stage two嗰種股票。喺星期一就突破咗,一日升咗9%。而家去到我嘅目標嘅一半可以將stop調高。

1800高股息板塊大reversal(原因上面解釋咗)導致跌到落stop loss

902 都算高股息股票,但係因為之前冇升咁多,所以跌嗰時又冇跌咁多。現時有兩支紅腸如果聽日再嚟多次同埋成交高嘅話我就會考慮早離場。
GDS/9698 (Discord 分享) 突破之後幾日就到目標。依種stage one準備進入stage two股票好似981 同埋763。突破之後可以郁得好快
Watchlist
1818走勢同美國嘅NEM相似,因為大家都係掘金公司。咁因為我已經有NEM所以我就唔會重複買1818
1313水泥行業一齊上升。呢啲都係stage one有機會進入stage two嘅股票。
免責聲明: 所有內容僅為本頻道對其本身行為的描述,只作知識及學術分享討論,絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此,投資者不應只按任何本頻道的內容或本頻道作者所提供的任何資料(包括以其他途徑提供的與頻道相關的回覆或評論)進行投資。本頻道建議任何投資者在作出任何投資決定前尋求獨立的財務及專業意見,而本頻道並不會提供有關意見。本頻道所載資料僅供參考之用,概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,如有任何變更,恕不另行通知。對於因使用或依據本頻道內所載的資料而引起的任何損失或損害,本頻道恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。
Files
Previews only