Home Creators Posts Import Register Favorites Logout
haven't archived this post yet. have a subscription? use the importer!

Content

今個禮拜雖然外圍大上大落,但係港股喺自己嘅平行時空。禮拜頭嘅中國經濟數據出嚟比市場預期差,就打返落去18,500樓下。 中國第一季GDP出嚟得4.7%,而六月份嘅零售都係比市場預期差好多。

A股就真係比較強勢,而呢幾日主要嘅嘅ETF成交,尤其係滬深300ETF,都超過100億以上。睇嚟國家隊喺三中全會期間努力維穩。另一方面,港股就好快就跌返晒上個禮拜嘅升幅。今個禮拜騰訊700開始靜默期,公司就暫時停止回購回,直到公布業績之後,結果就成為空軍第一目標。百度9888炒完無人駕駛的士,兩日就斷纜。

平安2318就一如之前新聞發35億美金convertible bond (CB),股價應聲下跌,雖然之前話啲中慨股係美國發CB,之後攞啲錢嚟回購股票。不過香港嘅條例係唔俾公司發債去做回購嘅,雖然而家證監/港交所準備修例會容許發債做回購。

美股就有啲天翻地覆嘅感覺,納指大跌,羅素2000同道指大升。由於市場再至炒減息,啲錢由非常擠擁嘅科技股,轉落去道指嘅價值股同羅素2000嘅二三線股票。而港股都有啲跟風,沽啲升咗成年嘅高息國企股(883, 857),轉炒啲跌到殘晒嘅地產股/消費股/醫藥股,又或者北交所嘅三四線股票。同之前講法一樣,有啲高息國企股,北水由年頭10幾個%嘅持股量,買到而家嘅30幾個%,最慘嘅就係每人走啲,直接變成冇乜人接貨。

行家話呢個禮拜繼續靜,唔係太多人做嘢,港股星期四成交跌到得800幾億,創三個幾月新低,可能個個都喺度等個三中全會。而星期四收市之後,遲咗成年半開嘅三中全會終於出咗公告,暫時睇落去就冇乜太大驚喜,不過都係要等到聽朝10點嘅新聞發佈先有多啲細節。

Watchlist Review

1818 (gold mining)  股價升穿咗我留意嘅阻力,但係價格走勢 (price action)差。有兩日高開低收 - 似follow美國miners升,但係亞洲時間就偏弱跌返落嚟。依隻金礦股我冇買因為已經炒緊美國上市嘅$NEM。

 1313 (cement) price action 同1818好唔同。經常低開高收同埋升嗰時成交高啲。50天線差唔多Crossover 200天(未入Stage2),呢排呢啲跌到殘嘅股票開始有啲反彈就最容易炒

 763 (telco equipment) 突破嗰日急升10%。跟住就pull back而家去返突破位(變成支持)。跌落嚟嗰時成交唔算太高,我覺得可以睇多一陣。只是stop loss搬咗去突破之前嗰幾日嘅低位,如果再跌嘅話就蝕少少離場

 902 (power plant)上個星期update話如果見到第三條大紅腸就會提早離場。第三條紅腸星期五就發生咗,如果嗰日走嘅話會比起而家stop loss時先走輸少4%

 

Watchlist

525 (railway) 繼續留意緊。Price Action最近兩個星期縮策,成交方便又唔錯

 914 (cement) 依隻石泥股領先同行嘅股票,因為50天已經升穿咗200天線。而家形成緊第一個base。

2208 (wind energy) 有啲早,但係可以留意住。如果佢可以橫行多少少時間先突破咁就好啦。

 

免責聲明: 所有內容僅為本頻道對其本身行為的描述,只作知識及學術分享討論,絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此,投資者不應只按任何本頻道的內容或本頻道作者所提供的任何資料(包括以其他途徑提供的與頻道相關的回覆或評論)進行投資。本頻道建議任何投資者在作出任何投資決定前尋求獨立的財務及專業意見,而本頻道並不會提供有關意見。本頻道所載資料僅供參考之用,概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,如有任何變更,恕不另行通知。對於因使用或依據本頻道內所載的資料而引起的任何損失或損害,本頻道恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。

Files

Previews only

Comments

Hayden Cheng

Hello Ahju, question for you. For 941, I'm seeing the high in May was $21.6, ~5% higher than the July top ~$20.5. Thus, I can't draw a horizontal line of resistance like you did (purple). Are you using a different input/pricing source in Tradingview? Thanks