Home Creators Posts Import Register Favorites Logout
haven't archived this post yet. have a subscription? use the importer!

Content

呢一轉市跌似乎有唔少拆倉潮,科技股又好日圓短倉又好,所以整體環球市場嘅波動率都升晒上嚟。星期一中國突然減息10個點子,但係夾咗一棍之後都繼續跌。 星期二內地投資者一見到國家隊開始收油唔買ETF托市,班友即刻走都走唔切。要去到星期四,國家先斷斷續續咁買返。你見到星期四A股個圖都知咩事(以下),每廿分鐘掃一次貨。

再加上台灣星期三星期四因為打風而停止兩日,更加增加亞洲地區嘅波動。因為唔少對沖基金都係台灣揸重貨,除咗台積電仲有好多AI類別嘅股票。連續停市兩日加上美股大跌,日圓急升夾淡倉,基金佬都要搵地方撳返啲錢出嚟補倉。 

同時星期三四就開始見到北水嘅沽壓越來越大,主要都係沽啲消費類嘅股票,例如華潤啤酒291美團3690。一嚟可能係因為LVMH/Kering/周大福 1929/片仔癀600436/九毛九9922業績差。LVMH同Kering都不約而同瀨落大陸,周大福同店銷售跌三成,而九毛九第二季條數見到翻台率繼續跌,而每個客人平均消費費跌返去七年前嘅水平。大市星期四仲要跌穿17,000點,打了4000幾期指張牛證。

雖然外圍都幾動盪,但係星期二三港股成交少得可憐,又係跌到落去800幾億,係去到星期四,跌穿啲大圍成交先上返去1000億。睇返技術分析,恒生科技指數Demark今日又數到12同跌到四月嘅低位,似乎短線有機會部署反彈。 

嚟緊呢幾日會開中央政治局會,不過照舊冇乜期望。咁啱星期四臨收市前半個鐘,又開始有啲刺激消費嘅政策出嚟:支持8類家電產品以舊換新。補貼標準為產品銷售價格的15%,對購買1級及以上能效或水效標準的產品,額外再給予產品銷售價格5%的補貼。每位消費者每類產品可補貼1件,每件補貼不超過2000元。尾市海信同海爾都抽曬上去,或者京東都有可能受惠。加上報廢乘用車購買新能源車補貼提高至2萬元,可能對比亞廸/三傻有着數。

人仔星期四都夾埋上去,不過人仔最近都係跟日元行得比較貼,睇嚟大家都係為出口已競爭。加上越嚟越多聲音叫聯儲局喺七月份就開始減息,又或者市場開始覺得聯儲局有機會有一個更大幅度嘅減息。加上有傳嚟緊聯儲局會將焦點由通脹轉落去失業率。可能呢個都係一個反彈嘅契機。

拜登正式退選,而家就要睇九月頭Trump同Harris嘅辯論。咁高盛就話,而家大陸就忍住唔出手,係要等到如果Trump贏咗,而真係加中國關稅60%,先大力出手穩經濟。高盛:「中國對大規模財政刺激持謹慎態度,對需求端刺激也很慎重,其中一個考量就是川普風險,」認為其中邏輯就是:先保存火力,2025年可能有更多用武之地。幾個月來在民調中領先的共和黨總統候選人川普,曾表示如果自己11月入主白宮,將對中國商品徵收60%關稅。此舉將威脅到中國的出口和製造業,光是如此中國的實際成長率就可能減少約2個百分點。

Watchlist Review

上個星期watchlist嘅2208 ,今個星期就成功突破,成交非常之樂觀。喺幾日已經升咗10%。 為了保護資本,我會將stop loss提高

 1313 依排都係啲late stage one enter stage two嘅交為最順利。好似呢隻咁,breakout之後升咗14%不過最近幾日就跌返唔少,但係冇辦法大市咁拆嘅話佢未回返晒都算唔錯。如果佢再跌多啲嘅話我就會exit。情願冇事發生過當發場夢好過變成一個惡夢。

 914 setup violated. 唔需要睇得咁緊啦

免責聲明: 所有內容僅為本頻道對其本身行為的描述,只作知識及學術分享討論,絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此,投資者不應只按任何本頻道的內容或本頻道作者所提供的任何資料(包括以其他途徑提供的與頻道相關的回覆或評論)進行投資。本頻道建議任何投資者在作出任何投資決定前尋求獨立的財務及專業意見,而本頻道並不會提供有關意見。本頻道所載資料僅供參考之用,概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,如有任何變更,恕不另行通知。對於因使用或依據本頻道內所載的資料而引起的任何損失或損害,本頻道恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。

Files

Previews only

Comments

Lee Leanne

認真問,拆倉呢個terms,咩意思? 呢兩日不斷聽到 新手,見諒🙏🏻

Bobbobaxel

Ah ju, can you share your latest thoughts on nuclear /uranium stocks? Share price dropped a lot since your last update. Thanks

KeiKei TouSan

想問下美國減息日元會唔會再升?再升就會有更多拆倉?

Nicli

請問依家跌市,V O O要吾要走貨?

Race

Ah ju, 剛join, 為何discord 睇唔到任何 messages ?

還有明天

Please advise how to join discord

還有明天

Already joined discord. Please ignore my request

Otto Mat

阿豬, 我後悔冇好好向你學習, 我輸咗好多錢, 老豆嘅遺產, 輸曬日股, 死於拆倉潮

Chi chan

之前抄家借日元換美金去抄美股 。 現在錢要返日本,所以乜都賣來還日債。

Mike wong

唔好咁灰!正所謂錢在人在機會在!我30歲破產,一切都係從頭嚟過!冇嘢話唔得嘅!記住我呢句說話!錢在人在機會在!

Chi chan

其實唔係乜都跌緊。 Exaggerate 了。 個 Market 係 rational。 只是太 concentrate 在 Mag 7。 升了咁耐跌10% 來 take profit 很合理。

Lee Leanne

認同唔係恐慌式曝瀉,現時睇,跌幅都係合理調整既範圍 但AI相關既,momentum唔樂觀,慢.....慢.......向.....下走既feel And拆倉嗰班,都有其vision先會急拆倉形成個今次個形勢

Lee Leanne

Ah Ju 請問你個watchlist,可以系邊度睇到?

Lee Leanne

試問,又有誰未輸過呢… 只係一家唔知一家事 Ah Ju都輸過幾球 最近聽到黃仁勳講,成功既人有一個特質,善忘。 成功既炒家,除了吸取教訓之外 唔好比過去束縛自己 係每一次都係新開始 果斷cut loss

Otto Mat

突然間, 有點感動, 我同Mike Wong 和Lee Leanne 三唔識七, 這裏絕無銅臭, 反而感覺到溫馨互相關懷, 我信念相信甚麼吸引甚麼樣的人, 深信阿豬必定是有愛,有正義感, 正直不阿, 有使命感的人

Chi chan

個人覺得等7/30。 開完會才會动。 計下yen 都升返5%。 周一去日本,上個月沒買定D Yen。 真后恢。

Kidom Macau

你好阿豬,剛join 加上超級新手。 想請問可以係邊度睇番上個或之前的watchlist ?黎緊可能有小白問題 還望見諒

馬拉松

請問一般拆倉周期會幾耐?

holam Ma

Thanks Ah Ju, 想知你用開咩tools or website去睇啲基金動向和倉位?

Lee Leanne

"Where" would you post the watchlist? 如果有watchlist,會系咩位置post而睇到 Thank you

Vincent Chung

啊豬不如分析下日元走勢

Abdfgdh Li

想請教吓當初點解會睇中2208? 股價之前一直跌

KS

Where can we access Demark Indicator now? Tradingview seems to remove it from its library.