港股反彈，基金又(少少)追貨 (Patreon)

今個禮拜大家都係等聯儲局，最後就減咗50點子。港股放完中秋假期之後，先係低開。但係港股低開冇耐，之後越升越有一路向北，最尾收市企穩18,000點樓上，成交接近1500億，今次大成交破位，都幾直得尊重，希望唔好好似之前咁又係大成交見頂。

星期四朝早，美國期貨喺日本開市之前一棍夾咗上去，跟住所有風險資產都夾咗上去。至於中港股市，雖然中秋嘅消費都係一般般，對比2019年都係+8% 去到510億。 就算之前週末出嘅中國經濟數據比市場預期差，尤其係八月份嘅消費出嚟得+2.1%低過預期嘅+2.5%，禮拜頭個市都係好快從低位反彈。

而隨着美國開始減息，都會打開咗大陸放鬆嘅步伐。而家就係睇吓管理層有幾大決心，始終陷入通縮螺旋，越遲做嘢個代價就會越大。所以最近隨着美國聯儲局開始減息周期，市場對中國出台更多嘅刺激政策嘅預期開始升溫。啲領導人用咗一年嘅時間去認識通縮螺旋嘅嚴重性，咁而家就睇佢哋嘅決心有幾大。嚟緊可能要去到10月底嘅政治局會議，先有機會睇到多啲政策嘅措辭。

之前有講到嘅降低存量住房貸款的利率，好有可能好快出台，而聽日嘅LPR (loan prime rate)，市場開始有人估會-20個點子，從而令到今日內房板塊抽咗上嚟，都間接令到消費費做返好些少，不過可能會對內銀不利。

除住刺激政策嘅預期，所以都見到開始多咗啲長錢買返啲貨，即係佢哋由非常underweight中港股票，去到less underweight (不過都仲係好underweight)。今次啲長錢加倉主要都係啲消費板塊同埋醫藥板塊。

中國股市CSI 300出現少少反彈，上個星期嘅update我提到指數跌到落一月嘅低位，同時有啲DeMark 13買入訊號，同時RSI又超賣。

Watchlist Review

HK Trust 6823: 減息得益嘅香港yield-play股票，例如6823，2繼續升。隻從bull flag break out之後就到咗我嘅目標。賺+1.6R

 阿里巴巴 9988: 三隻香港巨型科技股最近走勢都幾強。阿里巴巴同美團幾日就突破了

金風 2208: 自從今年進入stage two金風就一個base一個base咁樣突破，今個星期似乎又升破最近嘅base。咁呢隻我唔會太過貪心，因為佢經常突破之後急升幾日之後就拉回。所以見好就食糊。

人民財產保險 2328 : 走勢麻麻哋，出現了三支大紅腸(跌得深+同埋成交高)。就算星期四恆指反彈2%依隻股票都升唔夠1.6%。第二啲中國保險股票走勢強啲，所以我會存去留意2601。 (-0.5 R)

Watchlist

太平洋保險 2601: 呢個形成了四個月嘅打橫consolidation幾靚。似一個rectangle set up。

中國生物製藥 1177: 還喺stage one，似有機會進入stage 2嗰種股票。而家做緊少少set up可以留意吓

統一企業 220: Early stage 2 嘅股票。而家做緊一個cheat set up。Reward-to-risk 幾好 (留意番佢流動量唔係好高)

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。