阿爺出手，股市開香檳 (Patreon)

今個禮拜，中港巿場真係精彩， 一個禮拜兩日都係一個超過兩個sigma嘅move，夜期星期四收市之後再夾多口去到20,700。今次啲政策真係一浪接一浪。成交仲要去到3000億，我諗隨時係一個正常交易日嘅歷史新高。

首先星期二人民銀行/證監會/國家金融管理局啊頭一齊開發佈會，原本淨係話減息同存款準備金，市場都覺得又係冇料到，準備趁好消息出貨。但係之後見到人行準備5000億流動性支持金融公司使用自身債券、股票ETF、滬深300成分股作為抵押，從人行換入國債、央行票據等高流動性資產即係代表你可以喺街掃貨，跟住抵押比人行換國債央票。仲話如果做得好就有第二個甚至第三個5000億，其實咁算唔算係無限子彈/QE？。另外就係研究平準基（stabilization fund)，呢個都傳咗成年幾，以中共嘅性格，話會研究，即係成事機會相當高。另外仲有，市值管理同埋M&A意見。

到星期四，消息話中國據悉考慮向國有大行注資多達1萬億。之後中央政治局發佈消息，首先就係話中國將努力完成全年經濟社會發展目標任務，因為前三季都同全年目標嘅5%有啲距離，所以嚟緊第四季真係會大力放水谷經濟，仲有就係要促進房地產市場止跌回穩，呢句都好重要，成班內房升20-30%。同埋要加大財政貨幣政策逆周期調節力度保證必要的財政支出。

最後星期四收市後，路透話中國計畫今年發行2萬億元人民幣特別國債，1萬億元人民幣特別國債主要用於刺激消費，所得款項將用於增加對消費品以舊換新和大規模設備更新的補貼。另外1萬億元人民幣將通過單獨發行特別國債幫助地方政府解決債務問題。

正如之前所講，美國減息中國就即刻開始政策轉向，但係嚟得咁快真係有啲意外，仲要係一拳接一拳。去到星期四就真係見到多咗人出嚟追貨。原本禮拜頭都係啲對沖基金出嚟平長短倉gross down。到星期四政治局會議發佈之後，鬼佬就出嚟追貨，有中資出嚟沽啲防守性板塊（三桶油/三大電訊商/香港收息股等等）轉入去攻擊性板塊（保險/券商/水泥/消費/或者係啲估值低層嘅國企）。啲內地基金似乎就係星期四真係認真去追貨，佢哋都係買咗先問，邊啲呢幾年跌得越多嘅就買邊啲，如果之後幾日見到勢色唔對就即刻沽。

Market

恒生指數喺兩個星期內升咗15%。個感覺就好似四月嗰時市場又係炒阿爺救市場喺幾個星期升咗20%。短時間升內得咁急同咁多非常之有夾倉嘅感覺。

因為之前啲基金都係極之underweight中港股甚至短倉China Equity係其中一個最擠迫嘅交。所以短期內有可能overdone太興奮了

就好似兩個星期前嘅港股update，當仲係冇人睇中港股嗰時我提到中國股市CSI 300指數出現Demark嘅Buy signal，同時RSI出現超賣狀態，同埋佢跌到落年初嘅低位嘅支持。三個買入訊號結合，嗰個就係reversal point。過咗兩個星期指數就升咗11個percent

而家恒生指數出現相似嘅徵象，但係掉轉。Demark出現sell signal，RSI去到超買狀態，同埋恆指升到一個重要阻力。去到依啲位，如果手腳夠快睇緊個市嘅話，短期交易沽空好似抵玩啲。就算唔做沽空都要留意返而家恆指升咗咁多，如果而家先追埋嘅話就要小心啲啦。

Watchlist Review

依幾日差唔多所有watchlist持有嘅股票都到晒我嘅目標。用sell into strength嘅話就take咗profit，然後留返啲過嚟放紙鷂，所以現時trading portfolio倉位較輕。要等下一set股票突破先再追入嚟

9988 到咗目標。唔計放紙鷂佢話賺咗+1.3R

2208到咗目標。賺咗+1.7R

上星期watchlist嘅2601。今個星期突破之後兩日內已經升咗15%。Take profit 賺+1.3R

跟住依個係同Trading Course members分享嘅。3690嘅set up好因為突破之前個trading range緊做到一個高回報對風險比率。今個星期去到目標+賺2.7R。

淨係realized profit今個星期已經賺+7 R

如果再加埋watch list上嘅unrealized profits

1177 賺緊差唔多+1 R。現時可以將stop loss提高。

1030 (Trading course) +1R

 700 (Trading course) +1R

總共一個星期嘅 profit有9.5 R。呢個係非常之誇張，如果本身set 1R = 1% of portfolio，即係一個禮拜賺咗9.5%!

咁你可能諗恒指都升咗10%咁你交易賺10%有咩咁值得慶祝呢？個分別就係恆指跌咗咁耐之後而家先升10%，如果你之前買嘅話今個星期升咗一成之後你分分鐘都係蝕緊錢。而我交易: 之前恆指弱嗰時我係冇貨，係近排開始出現有值得交易嘅set up啦我先至入貨。即係港股跌嗰時我冇份，但係升嗰時就有份參與。

Watchlist

最後就睇吓而家仲有咩股票值得留意啦。因為依兩個星期好多股票已經升咗唔少，所以現時剩返一啲落後啲嘅股票先至有set up。例如:

1801 信達生物製藥 (Biotech) 嘅周線同日線圖。見到今年走勢越嚟越緊。暫時cap住咗喺紫色線嘅阻力。

 3933 聯邦制藥 (Pharmaceutical) 同以上嘅行業有啲相似，都係health care

 2666 通用環球醫療 (Healthcare + Finance) 第三隻都係相似行業嘅。所以睇吓邊個突破先同埋突破得靚啲啦。

66 地鐵嘅50天線最近crossover咗200天。成交都唔錯升嗰時比較多啲。可以留意吓。

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。