恆指調整3000點，係咪玩完？ (Patreon)

今個禮拜大家都係等A股開市，點知情況不似預期，市場預期基本上成個A股市場會係接近漲停。雖然假期有傳有超過1,000萬個散戶開戶口，但係最後市況結果都係比預期差。 喺黃金周時恆指升咗一成，去到禮拜二中國開返市，但係A股冇升到停牌。恆指就將黃金周嘅升幅吐返出嚟，跌返一成。 

加上因為星期二發改委個吹風會講啲嘢比預期差，不過都係藉口，因為而家發改委權力冇以前咁大，正常係冇乜實質性嘅嘢，不過啲人都係用呢個做藉口沽貨。高盛交易報告顯示，在中國為期一周的長假過後，對沖基金10月8日周二賣出了創紀錄數量的中資股票 (article)。

呢轉beta rally 完咗，之後真係要睇板塊炒。好似星期四，內地咁突然沽啲芯片股，返去買啲中字頭國企股。有人講過因為星期四人行開始首期5,000億互換便利（SFISF），金融機構可以用ETF同埋滬深300成份股，同人行換國債。所以內地投資者就買高息國企股，之後同人行換國債去套利，另一個講法就係嚟緊星期六財政部開會，應該會再發特別國債，所以有人買返啲基建板塊。另外仲有3,000億支持上市公司回購股票。

而星期六財政部會議，雖然之前就話市場預期財政政策體量要1萬億美金至10萬億人民幣。但係都幾肯定大陸政府唔會一次過出晒，應該都係分幾次出嚟，而家比較主流預期就先係2-3萬億人民幣嘅財政政策刺激消費。所以基本上，星期六個會點睇都唔似會超預期。

Flows，星期二應該唔少對沖基金已經沽晒貨，去到星期三到恆指開始補少少裂口，就見到對沖基金冚淡倉同補番星期二沽咗啲貨。暫時而家港股都係上落市，開始會見到板塊輪動。而長錢趁個市由高位回返落嚟都會吸吓貨。而大陸嘅管理層似乎都係想個市上（A股），不過更加希望係慢牛，始終股市嘅財富效應，最容易同最快去刺激消費。

Market

HSI 正如上個禮拜講恆指喺短時間升咗咁多，佢調整一下跌返落嚟係會係非常之正常。因為咁樣夾上去，一定會短期內overshoot。反而佢唔跌嘅話繼續升就真係好奇怪。咁而家玩完第一浪，跟住就要俾時間股票consolidate。留意邊啲股票可以form a base。即係跌到咁上下就唔再跌，然後等佢突破時呢就係買入機會。

Watchlist Review

上星期就解釋好多手上嘅倉位已經升到我嘅目標，所以一部份已經sell-into-strength to take profit。跟住剩餘嗰啲呢就放紙鷂等股票變弱嗰時先sell-into-weakness離場。咁過去幾日啲嘢咁升然後咁跌，好多剩餘放緊紙鷂嘅倉位呢就trigger stop profit賣埋剩餘嘅貨。

雖然咁樣好似好抌春，明明本來可以賺多啲，跟住就賺少左咁走。不過咁係無可避免，因為升嗰時你唔知可以升幾多（問返自己一個月前你估唔估到到恆指會升6000點？）。同埋就算今個星期去跌嗰時先sell-into-weakness佢都係賺多過收sell-into-strength嘅目標，所以其實係賺咗。

2601, 9988, 1177 今個禮拜都trigger佢咗stop profit

2666, 3933 兩隻healthcare股票都去到我嘅目標，各自賺 +1.5R

1801, 2018, 728 冇乜太特別，繼續follow計劃

Watchlist

552: 啲港股咁升，而家剩返落後仲有set up嘅股票選擇唔多，呢個係其中一隻我留意緊。

今個星期港股咁樣調整有啲人會好擔心，尤其是臨尾FOMO追入嚟高買嗰啲。但係如果有跟開我Patreon，我係有set up同埋去突破有喺好風險對回報比例嗰時先至買。唔係亂咁追。所以今個星期啲嘢咁跌對我嘅交易組合唔大影響，有啲倉位本來賺多啲而家賺少咗。就算最遲突破嗰幾隻(e.g. 2018, 728)，因為買入價好，而家佢哋跌返其實輸嘅都係好微。

今個星期恆指咁跌係well within expectation (唔係話我time到佢禮拜二會大跌，但係發生調整嘅機會好明顯）。如果港股將進入一個長嘅啲新牛市，呢種調整會發生。如果股市玩完，呢種調整亦都會發生。所以係依一刻我哋唔知道呢個uptrend玩完未。不過冇所謂，我哋係交易股票唔係炒股市。跌嘅話我有晒stop就算而家手上揸住嗰幾隻真係跌到落stop loss嘅話都係-3R咁就玩完。比起呢幾個禮拜賺嘅10幾個R只係小部份。

而如果未玩完consolidate一陣之後再有一個升浪咁就會有下一咋嘅交易機會。而家最好嘅就留意住邊啲股票有relative strength。

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。