恒指穿20,000 (Patreon)

個市今個禮拜連跌4日，仲要穿一穿20,000 大位，補埋19,954-20,268個裂口。 而家美股當旺(e.g. semi, metals, banks, crypto)，啲錢又走返過去炒作，同時市場又定價緊Donald Trump會贏，睇啲國際賭檔賠率： Trump 57 vs Kamela 43。 啲對沖基金就開始沽定人仔，CNH都跌到落去一個月低位。而大陸又唔可以好似日本咁任由人仔眨值去刺激出口，因為中國已經係世界工廠出口大國，再靠貶值去刺激出口，可能會比人圍毆。

星期二有傳人大會議推遲到11月頭到美國大選之後，原本應該係下個禮拜左右開，市場又擔心政策落實又有變數。因為中國增加財政政策，赤字都先要經過主席批準，所以星期六財政部對嚟緊嘅刺激政策規模三緘其口，都唔係好敢先講出嚟。 而之後星期四住建部會議， 大部分政策都係建基於之前嘅政策，主要係增加「白名單」項目貸款由2.33萬億到年底嘅4萬億，同埋新增一百萬城中村改造貨幣化（棚改），體量都係好一般，加上早一日炒起咗，冇額外的政府債發行計劃，所以個個都係趁好消息出貨。而家大陸政府差唔多日日係度同你哋做預期管理，但係似乎都係冇乜效果。 真係要一啲新招，好似上面月嘅央行創設新貨幣政策工具支持股票市場穩定發展。早兩日有傳嚟緊3年發6萬億長期國債，不過個巿場完全冇反應。

雖然主席叫到要努力實現全年經濟社會發展目標，聽日就會公布第三季GDP，市場預期4.5%，所以第四季都要5.5%，先可以達標，如果嚟緊冇大招，得返兩個月，都唔知點先可以達到全年目標。加上最近原本好咗啲嘅市場信心開始轉冷。同埋市場都知道而家係居民嘅資產負債表受損，所以都係到等緊/迫緊管理層出台以萬億計嘅政策去修補居民信心同預期。而大摩就繼續睇淡非必理需消息：

 今個禮拜，啲flows都靜曬，成交每日都少啲。有啲美資沽返啲科技股，買盤就比較少。基本上個市完全對好消息冇乜反應，最多都係彈一兩咁，之後就跌返落嚟。但係壞消息就跌咗先，例如早幾日話中國已開始向國內超級富豪海外投資收益徵收最高達20% 稅，搞到啲人擔心班科技股老闆會沽貨交稅。大家都係等月底嘅政治局會議，美國大選，同埋人大會議。

Watchlist Review

9988 喺呢個例子，我哋見到利用stop profit嘅重要性。股票爆升嗰時我哋冇辦法估到幾時係最高，唯一可以做嘅係變咗嗰時呢sell into weakness。經常呢種快升，跟住動力少咗之後就快跌。所以stop profit 嗰時唔好猶豫博佢升返啲先走

1801 呢個交易嘅stop level已經提高到買入點低少少，最近咁跌返落嚟就蝕- 0.3R 離場

 728 雖然price-action唔錯(市跌佢都企得穩)。但係10月21號出業績，所以嗰日之前會放

Watchlist

因為好多港股近幾個禮拜急升然後急跌。呢啲股票暫時冇set up做交易。而家呢段時間我會留意個市跌嗰時企得穩嘅股票 (relative strength)。

以下兩隻嘅行業好唔同，但係價錢走勢相似。就係由五月至到9月consolidate跟住突破之後最近就形成 bull flag。價格走勢強，但係回報對風險比率唔係最好（只係得 1.2)。我唔一定會交易，只係拎出嚟同大家分享吓我而家留意緊咩 (市場環境唔樂觀嗰時我哋唔需要逼自己交易)

2388 

 6055

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。