港股 Update - Nov 21, 2024 (Patreon)

今個禮拜就窄幅上落，整體得返250點波幅，大部分時間都係19,500-19,750。臨近年尾大家見好就收，開始收爐，成交跌到落去得返千零億。

週末，大陸證監會發布市值管理指引，推動上市公司投資價值合理反映公司質量，之後就見到啲低市淨率(Price-to-book Ratio) 板塊有買盤，呢啲主要都係以內銀/基建為主。雖然都係一日貨仔左右，不過都開始見到市場對好消息有啲反應，唔係獨沽一味。 而A股星期二都開始好返些少，而暫時滬深300都算係維持到一底高過一低。
Chart: 比起港股而家A股嘅technical強啲

呢𨍭業績似乎都係趁好消息出貨，尤其係之前幾個月嗰預期同股價打咗上去嗰啲 - 小鵬(9868)/ 萬國 (9698) B站 (9626) 小米(1810)。

暫時大市都係缺乏catalyst ，最快都要下個月個中央經濟工作會議，為出年的中國經濟發展作出部署，到時應該都會有多啲眉目（加上呢幾日啲智庫都講出年應該繼續係保5）。 而家大行都係覺得中國唔會有太大機會係出年之前擴大財政刺激去刺激消費或者大力刺激樓市。 上海/北京/深圳都一齊取消咗普通同非普通住房，基本上就係鼓勵大家換大屋，但係似乎都對個板塊冇乜太大幫助。

港股就窄幅波動，但係俄烏戰爭嘅升級，都係令到個市易跌難升。加上最近沽空比率又開始升返上去，星期四又去到接近20%。

Chart: 港股沽空比率

Watchlist

今個星期有兩隻放緊紙鷂嘅股票止賺離場。6030同6055。

6055 一下插咗14%。一跌穿stop就即時走唔使猶豫

6030 好似另外嗰兩隻證券咁升完之後而家都回返

 9926 呢隻算幾穩定，由九月至到而家都留喺個trading range內。50天線Crossover咗200天，可能進入stage 2可以留意吓。

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。