港股 Update - Nov 28, 2024 (Patreon)

上個禮拜美國德州州長叫德州各州機構從中國撤資，以保護德州人免受中國共產黨的影響。 令到個市星期五一棍打落嚟。

星期二，開市前Donald Trump 揚言會再加中國10%關稅  (link)（同埋墨西歌同加拿大25%關稅），港股低開之後反彈，開始見到有啲對冲基金平返些少淡倉，主要都係內房同科技股，最後收高少少。

睇嚟市場覺得呢啲關稅都係談判籌碼，而10%對中國而言就真係該濕濕碎，今次大陸政府都準備充足，會攞60%做個base case。但係呢幾日除咗呢啲買盤之外，真係冇乜人買嘢。 加上今個星期四美國感恩節，市場應該唔會太活躍。

星期三市場有傳嚟緊中央經濟工作會議會將出2025年嘅中央財政赤字定係4.5% （今年係3%），令到個市最多反彈接近500點，但係星期四都係冇已為繼。Donald Trump就一月底上台，到時應該會繼續有啲加關稅嘅動作，而大陸12月有個中央經濟工作會議會，或者會放些少風聲出嚟，之後就要等到三月嘅兩會先會有多啲政策落實，中國政府應該都會繼續採取被動還擊嘅政策。而市場預期嘅大手財政刺激，暫時應該機會甚低。

拜登臨走前都要繼續搞制裁，美國考慮進一步限制向中國出售半導體設備和AI記憶晶片，但係今次似係比較輕手，啲日本同歐洲供應商都冇受影響，可以繼續供貨比中國。同時中美交換囚犯 + 美國將中國嘅旅遊警示調低一級去到第二級 (link)。

Watchlist

股票方面除咗啲手機股嘅走勢好少少之外，大部份港股都好麻麻。所以watchlist都好保守。

綠城中國 3900 終於跌到stop loss (-1 R)

康方生物 9926 前幾日突破，但係琴日跌返落嚟嗰下幾勁同埋成交高。唔係咁好睇。

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。