中央政治局會議 (Patreon)

今個禮拜先係有中央政治局會議，正式將嚟緊嘅貨幣政策調整到“適度寬松的貨幣政策”，係計2009年金融海嘯以來第一次轉軚。同時亦都將穩住樓市股市放在對明年工作的要求當中。星期二個大市下晝應聲急升，夜期再抽多700點，可惜去到第二朝高開低收，又係派貨格局，之後有報道話出年中國會容許人民幣貶值去對應關稅，不過其實呢個都預咗，睇嚟大家都係等星期四嘅中央經濟工作會議嘅結果。

之後到中央經濟工作會議之前，市場就趁特朗普邀請習近平出席就職典禮同埋中國將在全國實施個人養老金制度同時將國債和85隻ETF納入其中，例如追蹤滬深300股指的產品，將獲得更多長線投資者，趁勢夾一夾淡倉。9月10月嘅大反彈之後，其實經濟有些少好轉，但系11月份又開始轉差，內資同外資都等緊經濟工作會議嘅發佈，當然最好就有實質數字出嚟，而家個個都要“Show me the money”，希望唔好等到出年三四月人大會議先至出。

而今次中央經濟會議內，我覺得有啲誠意。但係夜期都係就先插為敬，sell on news先。自從九月份開始，大陸政府都係朝着正確嘅方向行，但係可惜出招嘅力度唔夠，又有少少瞻前顧後（例如等埋美國總統大選結果，之後可能又想等埋Donald Trump上台之後再睇）所以都係仲未可以打破到通縮嘅螺旋嘅預期。不過今次似乎佢哋將出年刺激消費消費嘅任務放喺最前嘅位置「一是大力提振消費、提高投資效益，全方位擴大國內需求。實施提振消費專項行動，推動中低收入群體增收減負，提升消費能力、意願和層級」，再加上「適當提高退休人員基本養老金，提高城鄉居民基礎養老金」。仲有「綜合整治“內卷式”競爭，規範地方政府和企業行為」。

概括嚟講，呢兩個會議嘅結果系差一啲實質性嘅數字，而家市場非常之現實，no money no talk。信仰相信嚟緊好快會有多啲邊際政策出台，例如降准減息。之後就真系要睇佢嘅財政赤字，似乎應該會喺4-4.5%，再加上睇佢點樣放水。

今個禮拜啲Flows，政治局會議之後都見到啲中資都追咗入去，之後都有啲對沖基金平返啲倉，但係見下晝個市落返去，班友仔又開始short返。但係星期三四，開始見到多番些少買盤，例如啲二線科技股，同埋啲消費股票。

Watchlist Review

 1810 突破之後發展唔錯。已經將stop loss提高咗啲，將交易嘅風險縮到0.3。

 9961 呢個都係，已經將交易變成 risk free。

288 價錢升，但係成交唔係好高

Watchlist

 6088 半年嘅 cup & handle set up。但留意返呢隻股票嘅成交唔係好高。

 9896 兩個星期嘅flag set-up

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。