港股 - Jan 9, 2025 (Patreon)

港股今個禮拜跌穿咗12月中嘅低位，主要都係騰訊拖累，公司比美國國防部列入「中國軍事企業清單」，雖然連續三日回購力到加碼到15億，同埋北水差連續三日淨買入接近300億，加上公司話會同美國國防部接洽啟動複議程序糾正錯誤。其實之前小米都有咁嘅情況，係2021年用咗4個月成功打甩。不過都留意返美國國防部的CMC清單主要限制相關企業成為國防部供應商，同OFCA嘅企業證券投資禁令好唔同。所以入國防部嘅清單對公司影響其實係冇嘅，問題只不過將來有冇機會入去Off OFCA嘅投資禁令。高盛話如果騰訊真係入咗OFCA個禁令，會有大概730億美元嘅被動沽盤。都有美國長錢話港股真係好難玩/uninvestable，佢哋買完冇幾耐就焗住要走。

而到星期四，騰訊趁着超賣（RSI跌到25）同埋美國貿易代表辦公室將微信剔出2024年假冒和隱私惡名市場名單（淘寶、拼多多、百度網盤以及敦煌網仍在名單之上）。之後收市後，知名投資者段永平係雪球上表示，今日買了騰訊同茅台。（2022年騰訊跌到pk嘅時候，佢出嚟話買咗貨之後第二日即刻開始反彈浪。

另外就係上星期五，CNY終於失手7.3，雖然之後連續幾日嘅中間價都係7.18附近，加上又喺香港發行央票抽走CNH流動性去撐匯價，似乎上面諗法都係可以慢慢貶值但唔可以急跌。

星期三發改委以舊換新發佈會都係大致同預期一樣，主要都係加咗四款家電，同埋增加手機以舊換新，後者都炒咗成個幾兩個月，都係襯返好消息沽貨。不過星期三A股下晝就大反彈，個勢都似係國家對做嘢，又係啲窗口指度叫啲內地基金唔可以淨沽貨。

睇嚟今年都可能要捱到三月人大會議。琴晚Donald Trump話會宣布國家經濟緊急狀態為徵收關稅提供法律依據，但係佢冇出嚟否認，唔知係咪默認？唔同之前佢即刻否認華盛頓郵報嘅報道話佢嘅團隊正研究將適用於所有國家的10%至20%普遍關稅計劃，縮窄規模至國防和醫藥等部分關鍵領域。

而UBS就叫人買定啲FXI嘅Put option為嚟緊Donald Trump上台嘅風險/人民幣貶值速度擔憂/短期缺乏利好催化劑去買過保障。不過隨着特朗普上台仲有10零日左右，但係啲啲引申波幅IV (implied volatility) 都好平穩，似乎大家中對Donald Trump嘅關稅風險唔係太擔憂（除非一下加到60%）。反而國內政策政策更重要，睇吓幾時先可以離開呢個通縮螺旋。

Watchlist

 9896 上個禮拜五突破之後，星期一已經去到目標嘅三分之二，所以好自然就將stop提高去到至少entry point。點知跟住因為騰訊消息拉低成個市場，所以去到禮拜三就跌返落嚟triggered stop profit輸少少咁走

 1810 都係因為星期三騰訊消息比拉低。咁就引致只賺離場，完結了這個交易 (+1.2 R)

 6088 走勢還OK， 市場跌股票仲喺度升。升嗰時成交仲要好高添。

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。