港股小突破。主題AI+人形機械人 (Patreon)

過完年之後個市都非常之好，又係農曆新年之後轉勢？大市基本上都係跌唔落去，低位有承接。星期一特朗普出招關稅，大市低開低走冇耐之後已經開始反彈，最後收市就都修復全日失地。而星期二中國反制美國關稅，下晝回番晒朝早特朗普話同中國有偈傾嘅升幅，但係個市好快又已接近全日高位收市。星期三就算A股復市之後有啲獲利盤湧現之後，同埋話唔急住同大陸傾關稅，加上美國郵政服務話停止接受從中國同香港寄出嘅包裹，個市都好硬淨，連續3日都可以拗腰上返嚟，同之前完全唔同。

呢轉主要都係炒DeepSeek。而家基本上間間公司都搏咗落去Deepseek，京東9618 網易9999 騰訊700等等，所以市場都預期雲計算嗰邊會有好大空間，例如萬國9698 金碟 268金山雲3896 百融雲 6608等等。而阿里9988嘅Qwen2.5-Max超越DeepSeek V3、o1-mini和Claude-3.5-Sonnet等模型，以1332分位列全球第七名，也是非推理類的中國大模型冠軍。同時啲大行開始出啲產品，例如一籃子嘅中國AI股票，例如以下：

另一個主題都係人形機械人，一嚟就係AI加上啱啱喺春晚表演過。另外南華早報呢兩日都報道緊中國喺度大力發展緊人形機械人。我前日喺課程Discord頻道分享準備做 IPO base break out嘅地平線9660 (兩日+20%)。另一隻可以留意嘅係速騰聚創科技 2498。

大市氣氛幾好，以前出啲新聞隻股票郁都唔郁，而星期四晏晝出咗比亞迪 1211 準備喺2月10日19:30在深圳總部召開智慧化戰略發布會希望透過比亞迪「天神之眼」系統，讓每個人都能暢享高階智駕，A股炒到漲停，港股都埋單升11.5%。隻Keep 3650 重置人話下個10年會All In AI，即刻炒高32%。

現時恒生科技指數做咗cheat breakout。有可能港股已經成功消化咗九月嗰下大升，而家準備第二浪。

將timeframe拉長睇。香港科技股票喺2021 -2022 降一半嗰時係stage 4。2022-2024 橫行係3000至5000點係stage 1，做了rounding bottom。由2024年初之後就做higher lows 就算中國經濟繼續差落去，政治環境繼續惡化落去，再加埋關稅嘅恐嚇指數都冇再創新低，有可能HSTech將進入stage two，值得關注。

農曆新年國內消費就麻麻地，澳門遊客當年就跌3%，而海南免稅銷售就跌接近20%。唯一啲人肯使錢就係餐飲同埋睇戲。

暫時美國嘅10%關稅對市場冇乜影響，除非一下子加到30%就麻煩。大陸嚟緊三月就開兩會，所以今個月有機會繼續炒上去，賭緊嚟緊兩會嘅政策。

Watchlist Review

今個星期加咗隻藥明生物2269，之前講過我留意緊依啲跌到好殘開始進入stage 2嘅股票。咁佢幾日前就突破咗。我喺Discord度都有分享。而家升咗咁多之後我就將stop loss調高，減少呢個交易嘅風險

長飛光纖光纜 6869 前日咁樣跌13%就震走咗。不過冇所謂，stop profit都賺咗 1.3 R。

 Watchlist

速騰聚創科技 2498 -人形機械人概念股。但係我冇9660咁鍾意，因為曾經上年七月嗰時IPO lockup expiry過咗之後股價一日內大跌。覺得有啲妖。交易嗰時注碼唔會落太大

 中國建材 3323 - 50ma crossover 200ma 之後第一個base

Annual subscription 嘅八五折優惠去到月尾就會完。如果想lock in呢個discount就快啲轉做Annual。程序去 Setting > 阿豬搵錢日記 > Switch to annual。

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。