港股:第二線股票追上 (Patreon)

星期五收市就係MSCI指數換馬同月結，肯定會成交大增。下個星期五收市就係恆指換馬。而下個禮拜會開兩會，相信去到呢個位，都已經有唔少嘅期待兩會會出政策去刺激經濟。有咁大個expectation嚟緊，加埋恆指依個月已經升咗咁多去返近兩年嘅阻力。現時高追就唔係好抵嘅回報對風險。

呢轉最驚喜除咗隻阿里巴巴9988之外，就係隻小米1810。星期四朝早個新聞話雷軍登上中國首富呢個三煞位，隻股即刻又升轉跌。仲有就係今晚會發佈創業十五年以來最高端的兩款產品，小米SU7 Ultra 和 小米15Ultra，大家都係趁好消息出貨。留意番佢降之前同十天平均線已經有15%嘅距離。好overextended。

而家啲車股/汽車零件就當機械人股咁炒，比亞迪1211吉利175 小鵬9868 敏實425 德昌179等。而平台科技股，就炒DeepSeek效應。而Nvidia 喺3月18號大會將舉行China AI Day - 雲與互聯網線上中文專場，會有字節跳動、阿里雲、百度、螞蟻、京東、美團、快手、等等中國科技公司參與，佢哋將示如何採用軟硬件協同優化方法實現生產級AI的性能和效率提升。

最近京東9618就好事多磨，話會承擔所有外賣騎手五險一金的嘅成本，咁就辛苦美團3690啦。最新京東外賣就宣佈向京東Plus 會員及大學生推出“10元/20元餐補隨機領”優惠活動，新聞出咗之後美團小幅插水之後跌幅收窄，睇嚟呢個補貼戰都控制喺非常有限嘅範圍內，暫時影響有限。不過而家京東叫做守住本業，同一時間又向唔同方面發展，唔知會唔會搞到好似百度9888咁，搞咗五六瓣出嚟，冇一瓣做得好。講起百度，佢同寧德時代合作搞無人駕駛同埋會係3月中旬推出升級版文心AI模型，不過都係炒唔起。

下個星期就係兩會，指數由19000升到24,000點，唔多唔少都priced咗幾多政策預期。條街都預期有政策喺房地產同埋消費方面。有報道廣東省政府發行307億專項債券全部用於回收閒置存量土地，涉及廣東省19個城市86個項目，令到市場憧憬嚟緊會有更多政策支持房地產。而消費類就因為蜜雪冰城IPO，導致超過1.7萬億，真係好誇張，上市之前梗係炒吓相關板塊。加上兩會一定會又提倡消費嘅政策。

總體嚟講，星期四嘅反彈力度就差些少，令我覺得呢個月嘅咁強第一浪升勢差唔多到站，係時候consolidate。仲有就係星期三下晝有消息話中國計劃在未來數個月內開始着手向農行1288 交行3328 同邮儲1658注入最少4,000億人仔補充資本。所以可以留意吓落後嘅金融股，咁啱又有傳中金3908同銀河證券6881合併，雖然之後都係例牌嘅否認，但係上次嘅國泰君安2678同海通6837合併，都係要有消息三個月之後先公布。其他例如內保險股有機會同A股一齊追落後。

仲有就係呢排外圍都比較差些少，美股同埋亞洲其他股市都麻麻地，加密貨幣都穿曬位，而黃金都開始弱。美國嗰邊有啲擔心經濟放緩同埋特朗普四面開火嘅關稅政策，只不過完全冇影響到港股，因為之前實在太殘加上啲人又冇乜貨。

Watchlist Review

中主題嘅 Tier 1 突破近幾日已經升到take profit位。例如2498 + 6869。咁就一部份食咗糊先，然後留返啲未放紙鷂好( 似成9660咁唔知佢升幾多㗎嘛。)

1658都take咗profit ，但係個主題冇咁強所以我冇留理放紙鷂

Tier 1 嘅股票突破完，今個禮拜就見到第二三線嘅嘢突破。汽車股175同9863突破咗。

冇動力嘅股票就唔好嘥資金揸住啦。6088我放咗先。

 1415 turn risk free

 2359有啲唔抵，差唔多去到食糊位，但係跟住跌返落嚟。仲要輸少少先止蝕到場。不過交易就係咁。跟返個系統操作，唔使太關注每一個交易嘅結果。

 Flying Kite

 9660 好癲。由我第一個買入點一個月內已經升咗120%，現時extended隨時可以大pullback。現時我用緊10天線做stop profit，但係如果情況唔妥嘅話有機會提早離場。

 2269幾日前大跌同高成交，跟住嗰日再跌穿10天線，我就stop profit

2498 + 6869 已經take咗啲profit。所以這個交易應該點都賺錢，所以而家可以安心啲俾啲空間去發展。其餘倉位而家用20天線做stop

 Watchlist而家啲二三線股票都突破埋。一方面會等依啲收割。第二就係等tier 1嘅突破consolidate一陣之後再突破嘅話就可以玩第二浪。例如2382 ，285同268都係做緊flag set up。

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。