Home Creators Posts Import Register Favorites Logout

Content

港股繼續高開低收。市場都係等緊阿爺點同啲科技公司開會(話係呢幾日),同埋點樣刺激經濟,即係真金白銀攞出嚟,而唔係只有講。上個禮拜五嗰下夾升,係因為個中央政治局會議,嗰會議內容係夜晚先發出嚟。其中一句最重要嘅係: 努力實現全年經濟社會發展預期目標。即係都係今年要5.5% GDP增速。打少兩個月仲要5.5%,加上外圍環境又唔係咁好,即係要大大力搞基建。加上穩定返個樓市,消費都會好返。

銀保監會:支持適度超前開展基礎設施投資,支持平台經濟規範健康發展

深交所: 鼓勵優質房企發行公司債券兼併收購出險房企項目

人民銀行: 執行好房地產金融審慎管理制度,及時優化房地產信貸政策,保持房地產融資平穩有序,支持剛性和改善性住房需求

一個馬某馬某某,震一震你幾百點,真係唔知啲人有心定無意。不過亦睇到中央或者接近中央嘅人都幾着緊個市場即刻出嚟澄清。


之後又到紅衫資本沽美團,同埋劉強東沽京東健康。雖然紅衫唔係第一次沽不過今次係最大嗰手。真係有機會同其他中資基金一樣有贖回壓力,中國對沖基金今年到而家平均都跌20-30%,中慨股大好友老虎基金到四月跌咗44%。 京東健康呢單仲蠱惑,公司出業績之後就話回購,跟手劉強東就沽貨,佢離開咗京東就估京東健康跟住京東又派特別息。



上海疫情情況就有啲好轉,不過北京呢一轉應該有機會封城。

Estee Lauder: 覺得五月中會開始慢慢解封。
Volkswagen: 睇五月底之前所有中國廠房會開返。

歐委會主席:將在6個月內逐步停用俄羅斯原油 => 清潔能源都可以留意吓,尤其係A股嗰啲光復股票都回咗好多返返去廿幾卅倍PE。GX中國潔能(2809) 南方太陽能(3134) ,美股有Invesco太陽能ETF(TAN) 。

醫藥股B仔股又俾人洗,先有美國FDA唔批和黃醫藥(13) 君實(1877)嘅藥,仲要話要更多美國患者嘅臨床研究,而家好似多咗啲政治因素。之後又有信達生物(1801)第一季收入唔及預期,尤其係PD-1.。美國又再想搞海康威視(002415) 又加咗88隻中慨股入HFCAA,最大反應唔係科技股喺啲CXO,尤其係藥明(2269) 藥明康德(2359) 。

匯豐(5) 同平安會喺月中傾平安嘅建議,即係匯豐研究剝離開嘅亞洲業務。第一季亞洲嘅收入佔咗成間公司5成,佔咗盈利嘅七成。背後嘅目的大家諗啦。不過啲分析都係話呢樣嘢唔大機會發生。

Comments

Simon

人有多大膽,地有多大產

L J

Thank you. Useful.. update

Rex Chan

Grateful for stock market update and observations, very useful

Des

光伏…

KarKar

thx, Ah Chu. :)

XH Z

每次睇Ah ju 分析中國都覺得好精彩

Michael Li

正呀,啲重點位有「粗體」度。thx阿豬

edward himih

阿豬請教下點樣睇金鑛價?