Home Creators Posts Import Register Favorites Logout

Content

今個禮拜喺度等美國嘅通脹數據,因為四月份開始就係高基數,但係都高過市場預期,市場估九月聯儲局有一半機會係會加50點子,但係值得留意嘅係美國10年債息回落,避險情緒繼續高漲。

港股喺20,000點樓下都有承接力,連續幾日低開都有買盤買返上去。不過暫時都係似冚淡倉同埋啲中資嘅塊錢炒嚟炒去。星期四原本都似係繼續低開有買盤承接,不過隨着人仔跌穿左6.8買盤都頂唔順。金管局終於在要出手兩日買咗56億港紙,HIBOR應該都會慢慢向上升。

Chart: 3 month HIBOR


A股市場繼續有改善,市場賭緊上海疫情差唔多完,雖然北京情況唔係咁好。中國第二季經濟就放棄㗎啦,而家大家希望疫情好轉跟住就會接着有政策嘅出台,同一時間亦都見到官媒多咗發聲。

上海:全市已有8個區和浦東部分街鎮社會面基本清零。
5月8日 新增322例新冠肺炎本土確診病例和3,625例本土無症狀感染者
5月9日 新增234例新冠肺炎本土確診病例和2,780例本土無症狀感染者
5月10日 新增228例新冠肺炎本土確診病例和1,259例本土無症狀感染者
5月11日 新增144例新冠肺炎本土確診病例和1,305例本土無症狀感染者

生物科技股大漲 發改委印發十四五生物經濟發展規劃
Biotech股大部份由高位跌咗八成以上,呢次政策落嚟,希望短期都會有啲幫助

電動車 : 路邊社消息:電動車玩電動車補貼一萬,個補貼會延長一年,原本今年12月完,繼續九新能源汽車下香,所以見到星期三四啲汽車股表現都唔錯,尤其是喺A股上市嗰啲

科技股: 星期四上晝臨收市之前有講全國政協初步定下周召開「推動數字經濟持續健康發展」專題協商會,與會者將包括網信辦等監管部門官員,百度創始人李彥宏等企業代表,同時國務院副總理劉鶴或會出席上述會議。但係啲科技股真係彈唔起。

京東真係好弱,可能係因為京東係老虎基金嘅最大持倉,佢哋揸住五十幾球ADR,啲人驚佢要沽貨,或者直接做佢,趁佢病攞佢命

快手都算跑贏,有啲大象小回嘅格局,可能因為炒抖音上市。

中美關係,呢期真係有啲微妙:

  • Nancy Pelosi 4月8號話去台灣點知之後佢話延遲因為佢中咗”新冠”
  • 國務卿Blinken原本係5月4號會宣布佢嘅對華政策,但係又因為話中咗新冠而延遲
  • 拜登話會考慮取消一啲關稅去減輕美國通脹嘅壓力
  • 而大陸對俄羅斯嘅用詞字眼都開始有啲改變,有一啲比較中性嘅字眼,改咗做”入侵”。而聯想同小米亦都停咗同俄羅斯做生意


免責聲明 本頻道提及的內容 僅作為討論分析使用 不作為任何買賣投資推介


Comments

Lin小編

射波真係藝術嚟

KarKar

Thx, Ah Chu.

Lam Lam

Axis Act通過唔夠30日xp

Benny

Thx Ah Chu