港股 Update - June 9, 2022 (Patreon)
Content
恆指去22,100 就掉頭,回一回更健康,始終十個交易日指數就升咗10%,而100天線係22,062同埋三月嘅反彈都係去到呢啲位。指數暫時都係繼續大漲小回。星期四望到啲A股基建股無啦啦走去升,之後見到寧德時代又插過,內地資金又走去避險。跟住話北京有酒吧聚集性疫情同上海又有啲新個案令到有啲小區又封,搞到下畫個市借消息隊番落去。不過市場暫時唔係太擔心疫情,不過如果不停有新社區感染又時不時又封區,真係難搞。而家大家都係睇著21,500-21,800支持位,守到就繼續揸,穿咗就減倉。
Chart: Demark 9 signal on HSI index. The indicator implies potential for short term (1-4 days) pullback

呢一個升浪,汽車,科技,生物醫藥,教育,都係輪著黎夾。汽車就係補貼,比亞迪(1211)去到$300都係沽多過買,長城(2333)吉利(175)都冇人追啦,不過隻力勁(558)仲係有人買嘅,但係$15就冇乜肉食。教育股都可以睇番,政府支持再陪訓,因為今年甚至出年就業都會難,所以有職業課程嘅教育股都可以睇吓。再陪訓嘅教育股例如中教控股(839) , 東方教育(667) 。

科技股應該暫時差唔多,美團(3690) $200騰訊(700)$400阿里巴巴(9988)$120 都有阻力,要再上就要有啲更加好嘅消息,就好似之前滴滴同今日收市後螞蟻金服IPO嘅消息,雖然佢哋否認左,空穴來風未必無因。

有樣嘢幾有趣,早幾日有個行家同我講佢個Prime Broker (機構經紀)就同佢講話覺得啲科技股嘅股票供應越嚟越乾,所以覺得個科技板塊向上機會多啲。不過佢都係等緊位再沽空番啲科技同醫藥股,因為都有幾多隻反彈左超過50%。
其他行家嘅話,呢三幾日無論中資同外資,都係沽防守性嘅股票,轉去買增長股。長城吉利都係沽,轉去啲二三線科技股,美團(3690)騰訊(700)喺$200同$400啲位都係沽多,反而係隻阿里(9988)一路都keep住有人買,之前可能因為真係啲人太underweight呢隻呀你係最簡單最直接嘅方法去增加比重。跟住就多人睇返金融股尤其係平安(2318)同埋招商銀行(3968)。要個市再升都要啲金融股幫幫手。
之後就係我個人感覺啲內方有少少欲動,試諗吓科技板塊教育板塊都叫做俾政府搞返好少少剩低一個受打壓嘅就係內房。
航運股就一大棍隊落嚟,因為JPM睇淡運費,啱得咁蹺,就啱啱喺恒生指數納入東方海外(316) 之前。石油,能源,煤炭股都係一個十分擠擁嘅板塊。
交易操作
幾隻今個禮拜突破嘅港股,例如 2013, 839, 772, 3690, 558 我已經開始 take profit。鎖定啲 profit 然後留少少里放紙鷂。美國今個禮拜五出CPI會係市場嘅焦點,所以跟住個兩日唔會太進取加倉。如果CPI冇問題下個禮拜就會留意啲落後股票,例如金融同埋房地產。