港股 Update - June 16, 2022 (Patreon)
Content
香港同大陸嗰市六月表現繼續好過美國, 最後聯儲局加0.75% 符出完CPI嘅預期。暫時睇落去,嗰市又開始頹。始終大陸嘅刺激政策完咗第一浸,未咁快有新嘅一輪,同埋全世界係度收水,佢好難逆流去放水。香港銀行應該最快下次美國加息就會加Prime Rate,呢兩日金管局都接咗差唔多四百幾億港紙,銀行體系仲有2,800億,跌到1,000億以下就差唔多會加息。
星期三趁着習近平生日連啲卷上保險都夾埋上嚟,有幾可見到中國人壽A股(601628) limit up,平安升8%,以前就話中移動係藍燈籠,依家可能就係呢啲金融股。雖然唔知係咪水尾,但係諗深一層真係冇乜其他嘢可以買,淨係得返啲內房澳門股末郁。原本趁著澳門博彩法修訂的最終草案,會有啲起色但係嗰市一插,全部都頂唔住。
而A股都有啲隱憂,先係寧德時(300750)代配股集資300幾億又有海爾沽中金A(601995),之後有藥名康德(603259)股東減持,呢三單都差唔多成500億。仲有就係習近平同普京通電話,西方媒體報導呢件事就幾負面嘅。之後就係上海北京疫情都未清得晒。星期四A股啲錢又轉返晒入去新能源即係其他品牌冇乜嘢好炒啦。
科技股呢個月跑贏曬,但係騰訊,美團,阿里繼續比啲大位壓住。星期四就話人大準備係7月21-24審議平台反壟斷法,又有傳快手股東五源資本派貨比LP。
內房原本諗住碧桂園(2007)贖回8億美金票據,會帶一帶起成個板塊最後都係近排個市倒跌。想講龍湖(960) 有啲唔係咁好嘅感覺,早幾日見到有手貨轉左入去CCASS,有機會係配股,如果連佢都有問題嘅話咁就PK啦。
汽車股都升咗30-50%,政策預期都priced in咗,之後就要睇銷售數據。值得一講,係中信升比亞迪H目標價去到562.60,唔知大家記唔記得中信2021年2月10號中信升茅台目標價去到3,000,嗰日就見咗頂。
上海發布元宇宙等四個“新賽道”投資促進方案 力爭到2025年元宇宙產業規模突破3,500億元。A股板塊有辱但係香港嗰啲完全冇反應。
啲基金真係都唔多嘢做就算有都係短炒為主,一兩日貨仔,OK嘅就揸住唔OK嘅就掟,轉身轉得好快。
最後就係星期五就係美國四巫日加埋香港富時指數換馬,同埋星期一美國放假。