Home Creators Posts Import Register Favorites Logout

Content

美股大反彈,香港跟唔足,主要都係國內疫情同內房斷供繼續發酵。成交真係少得可憐跌到落800幾億,見到啲基金都停手,買都係少少咁買。市場跟住美元行,美元一弱,嗰市就好啲。就算話拜登同習主席傾偈減關稅,個市而家完全冇反應。

疫情睇落去唔會同四月份咁大範圍封城,但係局部封城就走唔甩。所以見到啲消費股到俾人沽返落嚟。尤其是去啲非必要消費品好似體育股,同埋六月風城之後嘅pent up demand好似會慢慢減弱。

汽車似吵完好,消息都出晒電動車股由六月開始到而家都升咗一倍。同埋A股呢期熱炒啲鋰電,新能源,汽車零件,成交放都大晒,似水尾,直搏空間唔大。

原本以為大陸罰滴滴 (Didi) 十億美金跟住就俾返佢嗰app上架,陪你好返成個科技板塊但係隻阿厘都唔係好升得郁。美團就最好,一嚟北京都派餐飲消費券,二就係市場覺得第二季度業績會唔錯。騰訊都係死吓死吓。商湯(20)終於停跌,應該最快八月頭入北水,始終係國內龍頭AI股,可以留意一下係咪真係反彈。

今次想講內房,爛尾樓同斷供個影響都可以好大,疊加埋疫情,啲人嘅收入亦都受到好大嘅影響。正常來講發展商起樓嘅錢應該係喺監管帳戶入邊,但係如果發生咗爛尾樓,即係監管部門,銀行同發展商都有問題。

如果啲爛尾樓搵其他人嚟接手,就等於白白幫啲發展商孭飛。如果冇人接手起埋啲樓,啲人又會斷供,銀行就會大獲,因為按揭對銀行係最低風險嘅生意。除非國家肯揼錢出嚟填氹,如果唔係都唔知可以點收科,今個星期碧桂園同融創嘅人民幣債都5成跟住停牌。真係有啲似零八年美國嘅次按危機,只不過問題今次發生喺發展商身上。睇落去啲對冲基金都係等機會繼續short落去,直到政府肯出嚟包底。金融股嘅平安同招商應該係主要目標,其次就係國有銀行。

所以見到啲中移動中電信呢排都表現得好少少,可能啲人就係將啲錢由銀行股轉落去電訊股,因為個息都唔係差唔多。


免責聲明
所有內容只作知識及學術分享討論,絕對不會含有或提供任何投資建議或邀約或任何服務。本網頁內容並非投資意見,亦不構成任何投資產品之要約、要約招攬或建議。本資料只作為一般用途,它並沒有考慮您的個人需要、投資目標及特定財政狀況。投資附帶風險。您應於進行投資產品交易前先評估個人投資風險之取向。


Comments

KarKar

thx Ah Chu

heiheibaba

可唔可以分析一下最近美股業績好定唔好🙏🏼