Home Creators Posts Import Register Favorites Logout

Content

相信大家呢期嘅焦點一定唔會喺香港。恆指穿2萬,從Pelosi訪台,可以睇到中美關係有幾差,唔怪之得上次講完電話完全無任可關於關税嘅消息。嚟緊中美關係,台灣問題會繼續壓住個市,尤其係香港,有波幅,冇乜升幅。條街都繼續好靜,外資之前沽科技股,轉場番美國。中資對沖基金都轉曬去炒A股,港股都主要係funding short。指數彈返上20,000就冚倉,上返21,000上面,隨時又沽過。

除咗中美關係,香港股市比大陸樓市同埋疫情影響,諗呢兩樣嘢一日唔搞掂,市場都幾難有突破。而中央對樓市嘅態度都幾明確,現階段佢係唔會救發展商。不過如果開始有系統性風險,相信中央係會出手。

阿里巴巴啱啱出業績sales同EPS都好過預期。市場估收入係跌,出嚟係持平。電商就受到疫情影響,云業務升幅得返10% (上個季度係12%) 暫時盤前升5%。有報道啊SoftBank用遠期合約沽咗佢所持有1/4嘅阿里巴巴。

騰訊繼續冇運行,一日唔放鬆遊戲審批,一日都冇得攪。股價插到$290樓下開始見到啲長線基金入場買係慢慢嗰隻,跟住就RSI跌到落24,超賣反彈,跟住就開始有啲對沖基金冚倉。同埋市場嘅預期騰訊嘅業績係應該算係最差嗰隻或者叫最冇期望(八月17出業績)。

其他科技股,美團應該係比較穩陣,快手市場就有期望今年打和,不過分析員就覺得今季個用戶人數可能會有啲失望。

香港芯片股係得幾隻,中芯,華虹,復旦,係隻復旦個圖最靚仔。藥明 (2269) 呢啲中美磨心股都要小心,同埋將來只會越來越多藥企自己做番CRO。

Chart: 復旦微電 1385

呢幾日A股嘅太陽能同香港嘅電動車都開始唔係好炒得起,啲錢可能會去煩啲囉相對落後嘅板塊譬如科技甚至可能係金融。物管內房甚至內銀內險呢啲有機會做個小反彈。匯豐業績幾好,出年應該會恢復季度派息,同埋以前嘅派息水平。


免責聲明
所有內容只作知識及學術分享討論,絕對不會含有或提供任何投資建議或邀約或任何服務。本網頁內容並非投資意見,亦不構成任何投資產品之要約、要約招攬或建議。本資料只作為一般用途,它並沒有考慮您的個人需要、投資目標及特定財政狀況。投資附帶風險。您應於進行投資產品交易前先評估個人投資風險之取向。

Comments

Lucas

想請問有咩方法可以睇長線基金出手

Tommysoho

請問SoftBank用遠期合約沽咗佢所持有1/4嘅阿里巴巴, CCASS可以睇到嗎?及可以簡單講解一下沽遠期合約嗎?thanks!!

Lisa L

請問睇唔睇到遠期合約價呢?