港股 Update - Aug 11, 2022 (Patreon)
Content
港股繼續靜,上落市,成交趺到落800億都冇,指數有波幅冇升幅。主動基金基本上都好少做嘢,始終大部份人覺得個市仲會落睇,啲資金流都只係CTA/Quant或者係被動資金係度炒上落。圍繞港股嘅問題又多咗個。除咗疫情同樓市,而家又有台灣問題,令到啲基金更加避開港股。市場上,冇買家,我sell-side朋友每朝嚟嘅order flow都係2/8 (兩成買盤八成沽盤) 甚至更差,有時要到開咗市之後先見到啲大少少嘅買盤。星期四趁着美國CPI低過預期,傳統金融股尤其是A股券商大升,係話大陸會全面開放註冊制,但係收市之後到否認咗。
創科(669),業績唔錯,升11%,有人冚倉,有人追貨。雖然市場都有調低下半年條數,但係美國嘅proxy play。同埋聽講佢哋喺美國美林停咗個banker做IR,所以都估佢會唔會喺美國上市因為佢嘅生意都係喺美國,又唔係啲咩中資背景。仲有就係,同中國相關度啊低嘅股票,一般到表現比較好,例如新秀麗(1910) ,Prada(1913)。
科技股嘅話,完全冇人掂,比較強嘅美團有啲breakdown。阿厘呢份業績冇亮點,軟銀決定提前係8月中執行佢2.42億股嘅遠期合約沽貨,暫時睇落去,應該對市場唔會有太大衝擊,啲合約一早對沖晒,不過長遠嚟講,市場多咗一批大貨,始終會有壓力,軟銀沽完呢批後,仲有差唔多4億股ADS。同啲行家/分析員傾過吓,上次爸爸衝咗上120,好多基金追咗貨,坐晒艇。而騰訊,大家覺得穿咗300,隨200都有可能,業績就預咗差。
龍湖(960) 星期三大插20%,如果呢隻最強嘅民營內房都唔掂,真係大鑊,有傳佢哋向地方政府求救,話繼續咁落去,過唔到年,又傳佢商票找唔到數,之後收市澄清咗,但係之後嗰日都唔係好彈得起,真係消息滿天飛,唔知真定假,只不過仲有係見到hedge fund係呢啲低位繼續沽空碧桂園。
比亞迪(1211)星期三突然沽空急升,會唔會啲人聽到股神準備沽貨,定係啲基金開始連呢啲今年outperformed名都開始沽。比較好嘅其實係移動(941) ,聯通(762)呢啲電訊股,派息增加,計計埋埋都有八九厘息,一年派兩次,跟住佢哋啲新嘅業務表現都唔錯,啲股東又乾淨晒,冇晒美資。
Chart: 1211 short sell ratio (bottom white line)
銀行唔上唔落,見到平安銀行話降薪,零售部門業績未達標,故7-9月遞延獎金按6折(調降40%)發放,所以小心招行(3968),零售業務大佬。
最後,華虹(1347)業績唔錯,但係第三季就冇乜驚喜,仲有就係呢幾日上面係咁拉人。
免責聲明
所有內容只作知識及學術分享討論,絕對不會含有或提供任何投資建議或邀約或任何服務。本網頁內容並非投資意見,亦不構成任何投資產品之要約、要約招攬或建議。本資料只作為一般用途,它並沒有考慮您的個人需要、投資目標及特定財政狀況。投資附帶風險。您應於進行投資產品交易前先評估個人投資風險之取向。