Home Creators Posts Import Register Favorites Logout

Content

個市彈咗一日之後又去返低位,當然美國CPI差過預期,Core CPI 繼續好sticky,引發美國大跌。港股成交跌返落去,反彈力度都唔係好,19,000點都上唔返去,暫時都係偏淡。人仔又跌破7,令A股嘅壓力更大,所有A股嘅成長股/賽道股星期四都大跌。

之前講過中美股市開始有啲decouple,星期三嘅跌市,我覺得仲有一啲因素。第一就係習近平同普京見面,一個係美國頭號敵人一個係歐洲頭號敵人,市場擔心西方會繼續搵藉口繼續搞中國。第二,美國同歐盟考慮制裁中國措施,以阻止北京侵台。市場亦都擔心西方繼續孤立俄羅斯同中國,能源供應鏈繼續係一個好大嘅問題,通脹會好難落去。第三係歐盟打算通過一份範圍廣泛的法案來封禁使用強迫勞動製造的產品,首當其衝當然係新能源太陽能板塊因為啲多晶硅同風機制造公司好多都係新疆。最後就係美國拜登想美國嘅新能源汽車業切斷中國嘅供應鏈。呢啲原因令到星期四A股大跌。

拜登簽署新行政命令擴大美國生物製造,成個板塊插咗兩日第三日有啲反彈因為市場覺得個行政命令暫時睇落去唔係太大影響,一嚟美股嘅同業冇乜反應,二來市場睇落去呢個行政命令同半導體嗰邊差幾多。當然呢個板塊或者藥明係都係高風險嘅制裁板塊。

Biden launch new support for US biotech ➡ article



Reopening/消費股表現都唔錯,市場都係炒定定復甦,海南解封咗,成都都開始逐步解封,睇嚟嚟緊深圳都會慢慢會開始鬆返,海底撈(6862),中國中免(1880),同程(780), 國泰(293)。不過我睇都係炒一炒。

跟住可以睇返去內房,睇返八月嘅銷售數據,龍頭房企嘅銷售跌幅收窄,有啲甚至按年係升。同埋最新報道話國家主席習近平支持放寬除咗北京、上海、廣州、深圳四個一線城市以外嘅所有內地城市嘅購房限制,鼓勵地方政府按每個城市具體情況制訂計劃,以提振遭受重創嘅住房市場。當然個重點係習主席支持放寬一線城市以外嘅所有內地城市嘅購房限制。越秀(123)綠城(3900) 個勢破曬頂。

呢幾日主要都係買番啲價值股,最近幾個星期好少有科技股嘅買家。行家都係覺得如果大環境繼續係咁樣,都係買番啲內需股比較穩陣,或者就係國產替代嘅概念因為西方繼續上切斷中國嘅高科技產業。平安(2318)財險(2328)都係比較好嘅,招行(3968)呢啲位都開始有買家,尤其係啲銀行開始減存款嘅利息,同埋支持樓市嘅政策越來越多。


免責聲明
所有內容只作知識及學術分享討論,絕對不會含有或提供任何投資建議或邀約或任何服務。本網頁內容並非投資意見,亦不構成任何投資產品之要約、要約招攬或建議。本資料只作為一般用途,它並沒有考慮您的個人需要、投資目標及特定財政狀況。投資附帶風險。您應於進行投資產品交易前先評估個人投資風險之取向。

Comments

No comments found for this post.